Sheryl Sandberg៖ "ដាច់ខាត Facebook មិនផលិតរថយន្តអគ្គិសនីប្រជែងនឹងក្រុមហ៊ុនអាល្លឺម៉ង់ឡើយ"
- 2017-09-15 12:21:18
- ចំនួនមតិ 0 | ចំនួនចែករំលែក 0
Sheryl Sandberg៖ "ដាច់ខាត Facebook មិនផលិតរថយន្តអគ្គិសនីប្រជែងនឹងក្រុមហ៊ុនអាល្លឺម៉ង់ឡើយ"
ចន្លោះមិនឃើញ
ប្រធាននាយកប្រតិបត្តិរបស់ក្រុមហ៊ុន Facebook អ្នកស្រី Sheryl Sandberg និយាយថា៖ “Facebook គ្មានថ្ងៃនឹងផលិតរថយន្តអគ្គិសនីដើម្បីប្រជែងជាមួយក្រុមហ៊ុនអាល្លឺម៉ង់នោះទេ"។
ប្រធាននាយកប្រតិបត្តិវ័យ ៤៨ ឆ្នាំ Sheryl Sandberg ថ្លែងទៅកាន់អ្នកចូលរួមនៅពិធីបើកព្រឹត្តិការណ៍តាំងពិពណ៌រថយន្ត Frankfurt Motor Show 2017 នៅប្រទេសអាល្លឺម៉ង់ដែលអ្នកស្រីបានជួបអធិការបតីអាល្លឺម៉ង់លោកស្រី Angela Merkel នៅទីនោះថាយើងគឺជាក្រុមហ៊ុនតែមួយគត់មកពីតំបន់ Silicon Valley របស់អាមេរិកនឹងមិនបោះជំហានចូលវិស័យរថយន្តអគ្គិសនីប្រជែងជាមួយក្រុមហ៊ុនរថយន្តល្បីៗរបស់អាល្លឺម៉ង់នោះទេតែបច្ចុប្បន្នក្រុមហ៊ុនកំពុងឧបត្ថម្ភដល់ក្រុមហ៊ុនរថយន្ត ក្រុមហ៊ុនបច្ចេកវិទ្យាធំៗ និងអាជីវកម្មទើបបង្កើតថ្មីថ្មោង ដើម្បីលើកកម្ពស់ក្នុងវិស័យរថយន្តបើកបរដោយខ្លួនឯង ឬប្រភេទរថយន្តអគ្គិសនីជាដើម ។
ដំណើរទស្សនកិច្ចរបស់អ្នកស្រី Sandberg ទៅកាន់ប្រទេសអាល្លឺម៉ង់បន្ទាប់ពីសភារបស់ប្រទេសបានអនុម័តច្បាប់កាលពីខែមិថុនាចំពោះការផាកពិន័យកើនដល់ ៥៩ លានដុល្លារ (៥០ លានអឺរ៉ូ) សម្រាប់ក្រុមហ៊ុនបណ្ដាញកម្សាន្តនានាបើសិនជាពួកគេមិនបានលុបចោលរាល់ការបង្ហោះមិនល្អភ្លាមៗនោះទេ ។ គួរបញ្ជាក់ថា ក្រុមហ៊ុន Facebook មានអ្នកប្រើប្រាស់បណ្ដាញកម្សាន្តរបស់ខ្លួនប្រហែល ៣០ លាននាក់ក្នុងចំណោមអត្រាប្រជាជន ៨០ លាននាក់៕