Jiro ជួបគ្រោះថ្នាក់ផ្ទប់ខ្លួនមួយទំហឹងនឹងឡាន ធ្វើឲ្យអ្នកគាំទ្រឆោឡោ
- 2017-09-16 02:01:53
- ចំនួនមតិ 0 | ចំនួនចែករំលែក 0
Jiro ជួបគ្រោះថ្នាក់ផ្ទប់ខ្លួនមួយទំហឹងនឹងឡាន ធ្វើឲ្យអ្នកគាំទ្រឆោឡោ
ចន្លោះមិនឃើញ
តារាប្រុសតៃវ៉ាន់មុខមិនចេះចាស់ Jiro Wang បានបង្កឲ្យមានរឿងភ្ញាក់ផ្អើលមួយកាលពីពេលថ្មីៗនេះខណៈជួបហេតុការណ៍អកុសលមួយ។
កាលពីថ្ងៃទី ១៤ ខែកញ្ញា ប្រុសសង្ហា Jiro Wang បានបង្ហោះវីដេអូមួយលើអ៊ីនធឺណិត ពីគ្រោះថ្នាក់ចៃដន្យមួយរបស់លោក អំឡុងពេលថតរឿងភាគថ្មី "Death of the Book of the Western Xia Dynasty” ហើយបានធ្វើឲ្យអ្នកគាំទ្ររបស់លោកឆោឡោជាខ្លាំង។
ក្នុងរឿងភាគនេះ លោកត្រូវសម្ដែងជាតួឯកប្រុសឈ្មោះ "Tang Feng” ដែលត្រូវសម្ដែងឈុតឆាកហក់លោតគ្រោះថ្នាក់ជាច្រើនដូចជាជិះស្គី, លោតឆត្រយោង និងសកម្មភាពជាច្រើនទៀត។
យ៉ាងណាមិញកាលពីពេលថ្មីៗនេះ Jiro ត្រូវសម្ដែងឈុតមួយ ដោយត្រូវរត់សំដៅឡាន ដោយគ្មានរបស់ការពារខ្លួន។ ឈុតនោះលោកត្រូវហក់ឡើងលើដំបូលឡាននោះ ប៉ុន្តែដោយសារបាត់លំនឹង Jiro ក៏ភ្លាត់ជើងរអិលមួយទំហឹងផ្ទប់នឹងកញ្ចក់ឡាន។ ឃើញបែបនេះ ភ្លាមៗក្រុមការងារក៏បានរត់មកជួយតារាប្រុសរូបនេះ ព្រោះខ្លាចមានបញ្ហាមិនល្អកើតឡើង ប៉ុន្តែជាសំណាងល្អ លោកមិនមានរបួសអ្វីធ្ងន់ធ្ងរឡើយ។
ថ្វីត្បិតឈុតឆាកទាំងនោះ ប្រឈមនឹងគ្រោះថ្នាក់ក៏ពិតមែន ប៉ុន្តែ Jiro នៅតែមិនរាថយ និងប្រឹងប្រែងជានិច្ច ដើម្បីឲ្យគុណភាពរឿងកាន់តែពិសេស សម្រាប់អ្នកទស្សនា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
