ឯកអគ្គរដ្ឋទូត AIA លោក David Beckham សម្ពោធជាផ្លូវការនូវយុទ្ធនាការ What’s Your Why?
- 2017-09-16 04:14:24
- ចំនួនមតិ 0 | ចំនួនចែករំលែក 0
ឯកអគ្គរដ្ឋទូត AIA លោក David Beckham សម្ពោធជាផ្លូវការនូវយុទ្ធនាការ What’s Your Why?
ចន្លោះមិនឃើញ
ម្សិលមិញក្រុមហ៊ុន AIA បានប្រកាសការសម្ពោធជាផ្លូវការ នូវការចាប់ដៃគូរបស់ខ្លួនជាមួយនឹងលោក David Beckham ដែលជាឯកអគ្គរដ្ឋទូតរបស់ AIA កាលពីខែមិនានោះ បានរំលេចនូវយុទ្ធនាការថ្មីដ៏ធំមួយ នៅក្នុងតំបន់អាស៊ីប៉ាស៊ីហ្វិកគឺ What’s Your Why?’ ដែលឆ្លុះបញ្ចាំងអំពីការប្តេជ្ញារបស់ភាគីទាំងពីរ ដើម្បីជួយប្រជាពលរដ្ឋទាំងឡាយឲ្យរស់នៅបានកាន់តែយូរអង្វែង មានសុខភាពកាន់តែល្អ និងមានជីវិតរស់នៅកាន់តែប្រសើរ។
តាមរយៈយុទ្ធនាការនេះ AIA សង្ឃឹមថានឹងអាចលើកទឹកចិត្តមនុស្សគ្រប់រូបទូទាំងតំបន់នេះ ដោយរួមមានប្រជាពលរដ្ឋកម្ពុជាផងដែរ ឲ្យពិចារណាអំពីគោលដៅរយៈពេលវែង និងតម្រូវការរបស់ខ្លួន ដោយផ្តោតលើការរស់នៅដោយមានសុខភាពល្អ។
ជាផ្នែកមួយនៃការសម្ពោធនេះដែរ លោក David Beckham នឹងមានដំណើរទេសចរណ៍សុខភាព AIA Healthy Living Tour ទៅកាន់ទីក្រុងហុងកុង ប្រទេសកូរ៉េ សិង្ហបុរី និងម៉ាឡេស៊ី នៅក្នុងសប្តាហ៍ចាប់ពីថ្ងៃទី ១៨ ខែកញ្ញា នេះ។
យុទ្ធនាការ ‘What’s Your Why?’ មានបង្ហាញវីដេអូថ្មីមួយ ដែលបានដឹកនាំ និងថតដោយម្ចាស់ពានរង្វាន់ Academy Award គឺលោក Wally Pfsiter នៅទីក្រុងបាងកក។ វីដេអូនេះ បង្ហាញអំពីរឿងរ៉ាវ និងការលើកទឹកចិត្តផ្ទាល់ខ្លួនរបស់អ្នកដែលកំពុងរស់នៅដោយមានសុខភាពល្អប្រសើរ ដែលក្នុងនោះក៏រួមមានហេតុផលរបស់លោក David Beckham ផ្ទាល់ សម្រាប់ការរស់នៅដោយមានសុខភាពល្អផងដែរ។
នាយកផ្នែកទីផ្សាររបស់ AIA Group គឺលោក Stuart A. Spencer បានមានប្រសាសន៍ថា៖ “យើងពិតជារីករាយណាស់ចំពោះ ការចាប់ដៃគូជាផ្លូវការជាមួយលោក David Beckham តាមរយៈដំណើរទេសចរណ៍សុខភាព AIA Healthy Living Tour និងយុទ្ធនាការ ‘What’s Your Why?’ ដែលចង្អុលបង្ហាញនូវហេតុផលជាច្រើន ដែលមនុស្សទូទៅចង់រស់នៅឲ្យមានសុខភាពល្អ។ យុទ្ធនាការនេះ ឆ្លុះបញ្ចាំងពីការប្តេជ្ញាយ៉ាងមុតមាំរបស់ AIA ក្នុងការចាប់ដៃគូជាមួយនឹងអតិថិជនរបស់យើងនៅក្នុងទីផ្សារទាំង ១៨ ទូទាំងតំបន់អាស៊ីប៉ាស៊ីហ្វិក ដើម្បីជួយពួកគាត់ឲ្យឈានទៅរកជីវិតដែលមានសុខភាពកាន់តែប្រសើរ។”
លោក Richard Bates អគ្គនាយកក្រុមហ៊ុន អេ អាយ អេ ខេមបូឌា បានបន្ថែមថា៖ “AIA គឺជាក្រុមហ៊ុនធានារ៉ាប់រងជីវិតមួយដែលប្លែកមិនធ្លាប់មានពីមុនមក។ យើងមិនគ្រាន់តែជាដៃគូសម្រាប់តែពេលមានហេតុការណ៍អកុសលនោះឡើយ។ យើងថែមទាំងជាដៃគូប្រចាំថ្ងៃ ដើម្បីទទួលបាលការរស់នៅប្រកបដោយសុខភាពល្អ។ យុទ្ធនាការ ‘What’s Your Why?’ របស់យើងជាមួយលោក David Beckham ជួយឲ្យប្រជាពលរដ្ឋទាំងអស់ស្វែងរកការលើកទឹកចិត្តរបស់ខ្លួនខ្លួនដើម្បីសុខភាព។ នៅពេលដែលពួកគាត់មានហេតុផលដើម្បីសុខភាពល្អហើយនោះ AIA អាចជួយគាត់លើមធ្យោបាយសម្រាប់សុខភាពល្អនោះបាន។”
លោក David Beckham ក៏បានលើកឡើងថា៖ “ខ្ញុំសប្បាយរីករាយដែលបានក្លាយទៅជាផ្នែកមួយនៃយុទ្ធនាការ ‘What’s Your Why?’។ ខ្ញុំសង្ឃឹមថាខ្លឹមសារនៃយុទ្ធនាការនេះ ស្របគ្នាជាមួយនឹងហេតុផលរបស់មនុស្សទូទៅដែលព្យាយាមថែរក្សាបែបផែនរស់នៅដោយមានសុខភាពល្អ។ ខ្ញុំមានសំណាង ដែលអាជីពរបស់ខ្ញុំបានអនុញ្ញាតឲ្យខ្ញុំរក្សាភាពរឹងមាំបានល្អ។ មនុស្សទូទៅមានការរវល់ខ្លាំងក្នុងជីវិតរស់នៅរបស់គេ។ ដូច្នេះហើយ ខ្ញុំសង្ឃឹមថាយើងអាចជួយគ្រួសារទាំងឡាយឲ្យមានភាពសកម្ម និងសុខភាពល្អ តាមរយៈវិធីសាស្ត្រសាមញ្ញៗ។”
សម្រាប់ព័ត៌មានបន្ថែម សូមចូលទៅកាន់៖ http://whatsyourwhy.aia.com