BizPlannovation Challenge ឱកាសពិសេសសម្រាប់សហគ្រិនវ័យក្មេង
- 2017-09-17 02:03:32
- ចំនួនមតិ 0 | ចំនួនចែករំលែក 0
BizPlannovation Challenge ឱកាសពិសេសសម្រាប់សហគ្រិនវ័យក្មេង
ចន្លោះមិនឃើញ
កន្លងមក៣លើកហើយដែល International Business Club នៃវិទ្យាស្ថាន CamEd Business School បានបង្កើតនៅកម្មវិធីវេទិការធុរៈកិច្ចដែលទទួលការគាំទ្រពីនិសិ្សតនិងអ្នកដែលកំពុងឈាន ទៅរកសហគ្រិនភាព។ ត្រលប់មកសារជាថ្មី International BusinessClub គ្រោងនឹងបង្កើតកម្មវិធីប្រកួតប្រជែងគម្រោងផែនការអាជីវកម្មឈ្មោះថា BizPlannovation Challenge ។
BizPlannovation Challenge គឺជាកម្មវិធីប្រកួតប្រជែងគម្រោងផែនការអាជីវកម្មដែលមានគោលបំណងបំផុសគំនិតសហគ្រិនក្នុងវិស័យធុរកិច្ច ដែលផ្ដល់ប្រយោជន៍ដល់សង្គម និងបង្កើតនូវ ឱកាស គំនិតច្នៃប្រឌិត និង ដំណើរការក្នុងអាជីវកម្មរបស់សហគ្រិនគ្រប់រូប។ គម្រោងផែនការអាជីវកម្មមានសារៈសំខាន់ណាស់ក្នុងដំណើរការអាជីវកម្ម ជាហេតុដែលបេក្ខជន គួរចូលរួមប្រកួតប្រជែងដើម្បីទាញយកបទពិសោធន៍នៃការធ្វើការជាក្រុមដើម្បីសម្រេចវត្ថុបំណងនិងការចាប់ផ្ដើមដោយកាត់បន្ថយហានិភ័យ។ មិនត្រឹមតែប៉ុណ្ណោះ ក្រុមដែលចូលរួមនឹងទទួលបាន នូវបទពិសោធន៍ថ្មីពីការចង្អុលបង្ហាញផ្លូវពីគណៈកម្មការដែលមានបទពិសោធន៍ក្នុងការចាប់ផ្ដើមអាជីវកម្មដំបូង។
BizPlannovation Challenge បើកជូនបេក្ខជនចូលរួមពីគ្រប់មជ្ឈដ្ឋានដែលក្នុងនោះ បេក្ខជនចូលរួមត្រូវមានអាយុចាប់ពី ១៨-២៥ ឆ្នាំ ធ្វើការចុះឈ្មោះជាក្រុមមានសមាជិក ចាប់ពី ២ ទៅ ៤នាក់ ដែលនឹងចាប់ផ្ដើមទទួលពាក្យនៅថ្ងៃទី០៦ កញ្ញា ដល់ ១៤ តុលា ២០១៧។ រីឯបេក្ខជនដែលបន្តទៅវគ្គផ្ដាច់ព្រ័ត្រនឹងប្រកាសឈ្មោះនៅថ្ងៃទី២១ តុលា ២០១៧ ហើយបេក្ខជននឹងទៅប្រកួតរកជយលាភីនៅថ្ងៃទី ១២ វិច្ឆិកា ២០១៧ ដែលប្រព្រឹត្តទៅនៅ CJCC វេលាម៉ោង ១៣:០០ ដល់ ១៧:០០។
នេះជាឪកាសសម្រាប់សហគ្រិនគ្រប់រូបចាប់ផ្ដើមរៀបចំផែនការនៅថ្ងៃនេះ ដើម្បីក្លាយជាម្ចាស់ជ័យលាភីនៃ BizPlannovation Challenge 2017 ។
សម្រាប់ព័ត៌មានបន្ថែម លោកអ្នកអាចចូលទៅកាន់គេហទំព័រហ្វេសប៊ុក International Business Club ឫទំនាក់ទំនងតាមលេខទូរស័ព្ទ ០១២ ២៦៦ ០៨៨ និង ០៩២ ២១១ ៥៧៧៕