Mourinho ពាន EPLពិបាកឈ្នះណាស់ ព្រោះក្រុមទាំងអស់ទឹកលុយសាហាវ

2017-09-17 04:27:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការ Manchester United លោក Jose Mourinho យល់ថា គ្មានអ្វីពិបាកជាងឈ្នះពាន Premier League ក៏ព្រោះតែក្រុមទាំងអស់មានផ្នែកសេដ្ឋកិច្ចខ្លាំង។

បិសាចក្រហមកំពុងដើរយ៉ាងរលូនក្នុងការចាប់ផ្ដើមរដូវកាល ដោយរកបាន១០ពិន្ទុ និងទាត់បញ្ចូលទីបាន១២គ្រាប់ សម្រាប់៤ប្រកួតកន្លងទៅ។ នៅថ្ងៃនេះ Mourinho នឹងត្រូវដឹកនាំក្រុមប៉ះ Everton ក្នុងដីខ្លួនឯង Old Trafford។

និយាយទាក់ទងនឹង Premier League អ្នកចាត់ការសញ្ជាតិព័រទុយហ្គាល់បាននិយាយថា៖ "ខ្ញុំគិតថាពេលនេះពិតជាពិបាកណាស់។ អំណាចនៃសេដ្ឋកិច្ចគឺជាកម្មសិទ្ធិរបស់មនុស្សគ្រប់គ្នា។ នៅពេលដែលនិយាយពីអំណាចសេដ្ឋកិច្ច ក្លឹបអ្នកមានអាចទិញ និងចង់រក្សាកីឡាករតាមចិត្ត ហើយនឹងបដិសេធរហូតប្រសិនជាគេមិនចង់លក់នរណាម្នាក់។ អំណាចនេះជាកម្មសិទ្ធិរបស់ក្លឹបនៅ Premier League គ្រប់ក្រុម ដូច្នេះក្រុមនីមួយៗមានសក្ដានុពលខ្លាំង"។

ក្នុងចំណោមក្លឹបខ្លាំងទាំងអស់ Manchester United ដែលកំពុងដឹកនាមដោយលោក Jose Mourinho ក៏ជាក្លឹបមានអំណាចសេដ្ឋកិច្ចសាហាវដែរ ពោលឆ្នាំនេះបានទិញកីឡាករថ្លៃមួយចំនួនដូចជា Romelu Lukaku ៧៥លានផោនពី Everton៕

ចុចអាន៖

ប្រភព៖ Goal ប្រែសម្រួល៖ ហេង សុធារិទ្ធិ