យក Apple Watch S3 និង Gear Sport ឡើងសង្វៀន ចាំមើលអ្នកណាខ្លាំងជាង?

2017-09-19 02:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រាកដជាដឹងហើយ Apple បានបញ្ចេញនាឡិកាដៃឆ្លាតវៃជំនាន់ទី ៣ ដែលជាសិស្សច្បងរបស់ Apple Watch S2 ដោយឡែក Samsung ក៏បានចេញលក់នាឡិកាដៃឆ្លាតវៃរបស់ខ្លួនដែរគឺ Gear Fit2 pro និង Gear Sport។ តោះ! មកមើលការប្រៀបធៀបរវាង Apple Watch S3 និង Samsung Gear Sport តើមួយណាមានសមត្ថភាពខ្លាំងជាង?

#Samsung Gear Sport

Gear Sport ត្រូវបានគេហៅថា ជានាឡិកាបែប Sport ដែលខុសជំនាន់បន្តិច ឬបែបបុរាណ ដោយសារការរចនារូបរាងមូលបង្វិលរបស់វា មិនខុសពីត្រកូល Gear មុនៗ ប៉ុន្តែបើនិយាយពីចំណុចពិសេសវិញ គឺថា កប់តែម្ដងដូចជា៖

បំពាក់មកជាមួយប្រព័ន្ធប្រតិបត្តិការផ្ទាល់របស់ Samsung គឺ Tizen OS ជំនាន់ចុងក្រោយ
មានបំពាក់ប្រភេទអេក្រង់ AMOLED Display ទំហំ ១.២ អុីញយ៉ាងរឹងមាំ
មានបច្ចេកវិទ្យាកាពារជម្រាបទឹក ដែលអាចប្រើបាននៅក្នុងទឹកសមុទ្រជម្រៅប្រមាណជា ២៥០ ម៉ែត្រ(ប្រភពមិនបញ្ជាក់រយៈពេល)
ដើរដោយ CPU Dual-core ល្បឿន 1GHz
អាចដាក់មេម៉ូរីប្រភេទ SSD បានដល់ 4GB
មានថាមពលថ្មរាងតូចបន្តិចគឺ 300 mAh
អាចភ្ជាប់បានជាមួយ Wi-Fi, Bluetooth, GPS
ភ្ជាប់មកជាមួយកម្មវិធីវាស់ចង្វាក់បេះដូង និងចលនាឈាមរត់ មកស្រាប់តែម្ដង អាចប្រើបានជាមួយបច្ចេកវិទ្យា NFC(Samsung's pay)មិនទាន់អាចប្រើបាន នៅស្រុកខ្មែរ។

#ពណ៌និងតម្លៃ

តាមរយៈវិបសាយ Samsung ផ្លូវការ បានប្រកាសដាក់លក់ Gear Sport៖

មានពណ៌ពីរជម្រើសគឺ ខ្មៅ, ខ្មៅលាយក្រហម
តម្លៃអាច Pre-Order បានខ្ទង់ ១៩៩ ដុល្លារ។

#Apple Watch S3

បំពាក់មកជាមួយប្រព័ន្ធប្រតិបត្តិការ Watch OS 4
មានបំពាក់ប្រភេទអេក្រង់ OLED Display ទំហំ ១.៦៥ អ៊ីញ
បំពាក់បន្ទះឈីប Dual-core លឿនជាងម៉ូឌែល S2 ៧០ ភាគរយ
អាចភ្ជាប់បានជាមួយ Wi-Fi, Bluetooth, (GPS + Cellular)
មានថាមពលថ្មអាចប្រើបាន ១៨ ម៉ោង(គិតទាំងការចាក់ចម្រៀង ឆែក Apps)
ជានាឡិកាឆ្លាតវៃដំបូងគេរបស់ Apple ដែលអាច Call ចេញបាន
អាចប្រើជាអង់តែននិយាយទូរសព្ទ មិនចាំបាច់មាន iPhone នៅក្បែរ
អេក្រង់ របស់វាដំណើរការជាឧបករណ៍បញ្ជូននិងទទួលរលកសញ្ញា 4G LTE និង UMTS ដែលមានន័យថា វាក្លាយជាអង់តែន។
មានពីរពណ៌គឺ ផ្កាឈូក(Rose Gold និង ប្រផេះ(Gray Ceramic)

#តម្លៃ Apple Watch S3 អាលុយមីញ៉ូម

គ្មាន Cellular(មិនអាចភ្ជាប់អ៊ីនធើណិត)

(38mm) តម្លៃ ៣២៩ ដុល្លារ។
(42mm) តម្លៃ ៣៥៩ ដុល្លារ។

មាន Cellular(អាចភ្ជាប់អ៊ីនធើណិត)

Apple Watch S3 អាលុយមីញ៉ូម(38mm និង 42mm) តម្លៃចាប់ពី ៧០ ដល់ ៤២៩ ដុល្លារ។

#តម្លៃ Apple Watch S3 អ៊ីណុក ភ្ជាប់អ៊ីនធើណិតបានទាំងពីរ

(38mm) តម្លៃ ៥៩៩ ដុល្លារ
(42mm) តម្លៃ ៦៤៩ ដុល្លារ

#សម្រាប់ម៉ូឌែល Hermes

(38mm) តម្លៃ ១ ១៩៩ ដុល្លារ
(42mm) តម្លៃ ១ ៣៩៩ ដុល្លារ។

#សម្រាប់ម៉ូឌែល Editions

(38mm) តម្លៃ ១ ២៩៩ ដុល្លារ
(42mm) តម្លៃ ១ ៣៩៩ ដុល្លារ។

បន្ទាប់ពីប្រៀបធៀប ឃើញថា Apple Watch S3 និង Samsung Gear Sport មានសមត្ថភាពមិនចាញ់គ្នានោះទេ ប្រសិនបើចង់បានវាមកធ្វើជាម្ចាស់ ចំណុចពិសេសៗដែលលើកឡើងខាងលើនេះ អាចឲ្យប្រិយមិត្តអាចសម្រេចចិត្តបានហើយ ឬមិនទាន់អស់ចិត្តអាចបញ្ចេញមតិនៅខាងក្រោមនេះបាន៕

ចុចអានបន្ត៖

ប្រភព៖ The Verge | idropnews ប្រែសម្រួល៖ រក្សា