តិចច្រឡំស្រុកគេអីទៅ ព្រះសង្ឃអេឡិចត្រូនិកនៅខ្មែរ ទាល់តែសាកភ្លើងទើបឲ្យពរបាន
- 2017-09-18 04:17:59
- ចំនួនមតិ 0 | ចំនួនចែករំលែក 0
តិចច្រឡំស្រុកគេអីទៅ ព្រះសង្ឃអេឡិចត្រូនិកនៅខ្មែរ ទាល់តែសាកភ្លើងទើបឲ្យពរបាន
ចន្លោះមិនឃើញ
ថ្មីៗនេះមានការចែកចាយវីដេអូ ព្រះសង្ឃអេឡិចត្រូនិក ដែលអាចបញ្ចេញសម្លេងឲ្យពរបាន។
ប្រភពពីគណនីឈ្មោះ Limhor Hak ដែលបានបង្ហោះវីដេអូនោះ មានអ្នកចែកចាយបន្តជាង ២ ពាន់ដងត្រឹមតែរយៈពេលមួយថ្ងៃប៉ុណ្ណោះ។
តាមប្រភពដែលបង្ហោះវីដេអូនោះ បានឲ្យដឹងថា ព្រះសង្ឃអេឡិចត្រូនិកនេះ ត្រូវបានតម្កល់នៅក្នុង វត្តស្លាកែត ស្រុកកៀនស្វាយ ខេត្តកណ្ដាល សម្រាប់ផ្ដល់ភាពងាយស្រួលដល់ពុទ្ធបរិស័ទក្នុងការចូលបច្ច័យ។
ព្រះសង្ឃនេះដំណើរការដោយគ្រឿងអេឡិចត្រូនិក ដោយត្រូវសាកភ្លើងរហូត។ ពុទ្ធបរិស័ទគ្រាន់តែដាក់ក្រដាសប្រាក់ចូលទៅ ព្រះសង្ឃអេឡិចត្រូនិកនឹងឲ្យពរភ្លាមៗ ដូចប្រគេនបច្ច័យដល់ព្រះសង្ឃពិតៗដូច្នេះដែរ។
មានអ្នកលេងអ៊ីនធើណិតជាច្រើនបានយកវីដេអូព្រះសង្ឃអេឡិចត្រូនិកមកចែកចាយបន្តជាច្រើនដង រហូតអ្នកខ្លះបានបញ្ចេញមតិផ្សេងៗគ្នាថា ចង់ទៅចូលបុណ្យនៅវត្តស្លាកែតបានម្ដង។ ឯអ្នកខ្លះទៀតថា ព្រះសង្ឃអេឡិចត្រូនិកនេះ Cute ពេកហើយ ចូលបុណ្យរួចអារម្មណ៍ស្រស់ថ្លាជាដើម។
កាលពីប៉ុន្មានឆ្នាំមុន នៅប្រទេសថៃក៏ធ្លាប់មានការចែកចាយព្រះសង្ឃអេឡិចត្រូនិកស្រដៀងគ្នានេះដែរ។ ដោយឡែកនៅប្រទេសជប៉ុន ថ្មីៗនេះក៏មានព័ត៌មានពីព្រះសង្ឃរ៉ូបូត ដែលគេផលិតឡើងដើម្បីយកទៅប្រើប្រាស់ក្នុងពិធីបុណ្យសព៕
តោះ! មកមើលវីដេអូខាងក្រោមនេះ (ចុចលើពាក្យ Facebook)
ចុចអានបន្ត៖