ហេតុផលសំខាន់នេះឬ ដែលកំពុងបង្អាក់ការរីកចំរើនរបស់ជម្រើសជាតិ?
- 2017-09-21 23:00:00
- ចំនួនមតិ 0 | ចំនួនចែករំលែក 0
ហេតុផលសំខាន់នេះឬ ដែលកំពុងបង្អាក់ការរីកចំរើនរបស់ជម្រើសជាតិ?
ចន្លោះមិនឃើញ
បច្ចុប្បន្នវិស័យបាល់ទាត់នៅកម្ពុជាត្រូវបានគ្រូបង្វឹក នៅតាមប្រទេសមួយចំនួនក្នុងតំបន់អាស៊ីធ្លាប់បានលើកឡើងថា កំពុងមានការរីកចំរើន។ ប៉ុន្តែពេលនេះគ្រូបង្វឹកក្លឹបស៊ីម៉ាក់លោក កែវ សារិន បានទម្លាយថា បញ្ហាធំដែលលោកកំពុងមើលឃើញ និងបង្អាក់ដល់ការរីកចំរើនរបស់ក្រុមជម្រើសជាតិកម្ពុជាគឺការមិនគោរពវិន័យរបស់កីឡាករបាល់ទាត់ខ្លួនឯងផ្ទាល់តែម្ដង។
គ្រូបង្វឹករបស់ស៊ីម៉ាក់រូបនេះបាននិយាយថា លោកឃើញប្រហែល ៥០ % នៃកីឡាករកំពុងប្រកបអាជីពក្នុងលីគកំពូលកម្ពុជា ដែលតែងទទួលបានការទិញយកទៅលេងឲ្យការប្រកួតក្រៅផ្លូវការនានា។ លោកថា ការទៅលេងបែបនេះរបស់កីឡាករអាជីពវាពិតជាមានការប៉ះពាល់ខ្លាំងមែនទែន ដល់សមត្ថភាពរបស់ពួកគេ ពិសេសអាចធ្វើឲ្យកម្លាំងប្រមូលមិនទាន់ លុះមកលេងឲ្យក្លឹបធ្វើមិនបានល្អក៏ធ្វើឲ្យបាត់បង់ឱកាសបង្ហាញខ្លួនឲ្យជម្រើសជាតិផងដែរ។
មែនទែននៅវិន័យទាំងនេះលោកគិតថា កីឡាករគួរតែគោរព ដើម្បីចូលរួមលេងឲ្យក្លឹបរបស់ខ្លួនឲ្យបានអស់ពីសមត្ថភាព ដើម្បីបង្ហាញកម្រិតលេងឲ្យអ្នកគាំទ្រនៅតាមក្លឹបនីមួយៗ និងគ្រូជម្រើសជាតិមើលឃើញ។ ចំណុចនេះដែរកីឡាករមួយចំនួនធំ មិនទាន់អាចរក្សាតម្លៃសម្រាប់ខ្លួនឯងបាននៅឡើយ៕