អ្នកវេចនំអន្សមលក់ត្រូវប៉ាន់នាដូវភ្ជុំបិណ្ឌ
- 2017-09-18 04:43:09
- ចំនួនមតិ 0 | ចំនួនចែករំលែក 0
អ្នកវេចនំអន្សមលក់ត្រូវប៉ាន់នាដូវភ្ជុំបិណ្ឌ
ចន្លោះមិនឃើញ
អ្នកវេចនំអន្សមជ្រូកលក់កំពុងត្រូវប៉ាន់នៅរដូចភ្ជុំបិណ្ឌដោយថាប្រជាពលរដ្ឋខ្មែរមួយចំនួនមានការរវល់មិនអាចវេចនំដោយខ្លួនឯងបានទើបសុខចិត្តបញ្ជាទិញពីអ្នកលក់វិញ។
ជារៀងរាល់ឆ្នាំអ្នកស្រី ហ៊ែល ស្រី ហៅមីង ង៉ុក ជាអ្នករស់នៅឃុំស្រង៉ែ ស្រុកទ្រាំង ខេត្តតាកែវ ដែលមានបទពិសោធន៍វេចនំលក់១០ឆ្នាំមកហើយនោះតែងទទួលការបញ្ចាទិញនំអន្សមជ្រូកជាច្រើនរយនំ។ អ្នកស្រីថាអ្នកស្រីវេចតែនំអន្សមចេក និងនំចាំងប៉ុណ្ណោះនៅថ្ងៃធម្មតា។ ប៉ុន្តែរាល់រដូវភ្ជុំម្តងៗអ្នកស្រីតែងតែទទួលការបញ្ជាទិញពីអតិថិជនក្នុងស្រុកភូមិជាមួយគ្នា និងអ្នកក្រៅស្រុកភូមិខ្លះជាហូរហែរ។ គិតតាំងពីថ្ងៃបិណ្ឌមួយរហូតមកដល់ថ្ងៃនេះ អ្នកស្រីបានលក់នំអន្សមជ្រូក និងអន្សមចេកអស់មិនតិចជាង៣០០ដើមនោះទេ។ អ្នកស្រីថាអន្សមចេកមួយថ្លៃ១០០០រៀល និងអន្សមជ្រូកមួយថ្លៃ ៤០០០រៀល។
អ្នកស្រីថាប្រជាពលរដ្ឋបច្ចុប្បន្នមានការងារមមាញឹកច្រើនទើបពួកគាត់មិនសូវមានពេលវេចនំដោយខ្លួនឯង និងសុខចិត្តបញ្ជាទិញវិញ។ អ្នកស្រីបន្តថាអ្នកស្រី និងស្វាមីជាអ្នកវេចនំទាំងនេះ និងថាមានពេលខ្លះកូនៗទាំងបីជួយវេចដែរពេលទំនេរពីការសិក្សារបស់ពួកគេ។
អ្នកស្រីឲ្យដឹងថានៅថ្ងៃនេះអ្នកស្រីវេចនំជាង១០០នំ និងថ្ងៃស្អែកជាង១០០នំទៀតទៅតាមការបញ្ជាទិញរបស់ អតិថិជន។
អ្នកស្រីនិយាយទាំងញញឹមថាការងារវេចនំលក់នេះបាន ជួយឲ្យអ្នកស្រីបានចំណូលបន្ថែមសម្រាប់បំពេញតម្រូវការក្នុងគ្រួសារក្រៅពីមុខរបរធ្វើស្រែ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
