ហេតុផល ៤យ៉ាង ដែលអ្នកមិនគួរទទួលទានទឹកត្រជាក់
- 2017-09-20 03:30:00
- ចំនួនមតិ 0 | ចំនួនចែករំលែក 0
ហេតុផល ៤យ៉ាង ដែលអ្នកមិនគួរទទួលទានទឹកត្រជាក់
ចន្លោះមិនឃើញ
ការផឹកទឹកត្រជាក់ ជាទម្លាប់មួយរបស់មនុស្សជាច្រើន ជាពិសេសក្រោយពេលបរិភោគអាហាររួច ក៏ដូចជាពេលហាត់ប្រាណហើយជាដើម។ ទោះជាយ៉ាងណា ទម្លាប់នេះត្រូវបានគ្រូពេទ្យជាច្រើន អះអាងថា មិនល្អទេ សម្រាប់សុខភាព។ ក្នុងន័យនេះ អត្ថបទនេះនឹងលើកយកពី ហេតុផល ៤យ៉ាង ដែលអ្នកមិនគួរទទួលទានទឹកត្រជាក់។ ហេតុផលទាំងនោះមានដូចតទៅ៖
១. ប៉ះពាល់ដល់ប្រព័ន្ធរំលាយអាហារ៖ អ្នកជំនាញជាច្រើនបានអះអាងថា ការបរិភោគទឹក ក៏ដូចជាភេសជ្ជៈត្រជាក់បណ្ដាលឲ្យរួញសរសៃឈាម ជាហេតុនាំឲ្យប៉ះពាល់ដល់ប្រព័ន្ធរំលាយអាហាររបស់អ្នកទទួលទាន។ វាក៏ប៉ះពាល់ដល់ដំណើរការស្រូបយកជីវជាតិពីចំណីអាហារផងដែរ។
២. ធ្វើឲ្យឈឺ ក និងតឹងច្រមុះ៖ ការផឹកទឹកត្រជាក់ ធ្វើឲ្យឱកាសនូវការឈឺ ក និងតឹងច្រមុះមានកម្រិតខ្ពស់ដល់អ្នកទទួលទាន ដោយវាធ្វើឲ្យមានការកកើតសំបោរច្រើនលើសលប់ ដែលរារាំងដំណើរការប្រក្រតីនៃផ្លូវដង្ហើមរបស់អ្នកទទួលទាន ជាហេតុធ្វើឲ្យងាយឆ្លងជំងឺដូចជាផ្ដាសាយ រលាកបំពង់ក ជាដើម។
៣.ធ្វើឲ្យពិបាកក្នុងការរំលាយជាតិខ្លាញ់៖ ការបរិភោគទឹកត្រជាក់ ជាពិសេសភ្លាមៗក្រោយពេលពិសាអាហាររួច ធ្វើឲ្យសារពាង្គកាយអ្នកទទួលទាន មានភាពលំបាកក្នុងការរំលាយជាតិខ្លាញ់ដែលលើសសម្រាប់អ្នកទទួលទាន ដែលបង្កជាការឡើងទម្ងន់។
៤.ធ្វើឲ្យថយចុះចង្វាក់បេះដូង៖ នៅពេលផឹកត្រជាក់ សីតុណ្ហភាពទាបរបស់ទឹកនេះ ធ្វើឲ្យចង្វាក់បេះដូងរបស់អ្នកទទួលទានធ្លាក់ចុះ ដែលបណ្ដាលទៅជាវិលមុខ ញ័រសាច់ជាដើម។