១២ឆ្នាំចុងក្រោយនេះ តើកីឡាករណាខ្លះមានវត្តមានលើគម្របហ្គេមបាល់ទាត់ FIFA ?

2017-09-19 11:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែមិថុនា កន្លងទៅនេះ ក្រុមហ៊ុនហ្គេម EA Sports បានប្រកាសថាខ្សែប្រយុទ្ធឆ្នើមសញ្ជាតិព័រទុយហ្គាល់ Cristiano Ronaldo នឹងមានវត្តមានលើគម្របហ្គេមបាល់ទាត់ FIFA 18 ដែលនឹងចេញជាផ្លូវការនាចុងខែកញ្ញានេះ។ បើមើលទៅក្រោយវិញ ក្នុងរយៈ១២ឆ្នាំចុងក្រោយនេះ មានកីឡាករមួយចំនួនក៏ធ្លាប់មានវត្តមានលើគម្របហ្គេមបាល់ទាត់នេះដែរ។

កីឡាករទាំងនោះមានដូចតទៅ

+FIFA 06៖ ខ្សែប្រយុទ្ធ Wayne Rooney និងខ្សែបម្រើប្រយុទ្ធRonaldinho។

+FIFA 07៖ ខ្សែប្រយុទ្ធ Wayne Rooney និងខ្សែបម្រើប្រយុទ្ធRonaldinho។

+FIFA 08៖ ខ្សែប្រយុទ្ធ Wayne Rooney និងខ្សែបម្រើប្រយុទ្ធRonaldinho។

+FIFA 09៖ ខ្សែប្រយុទ្ធ Wayne Rooney និងខ្សែបម្រើប្រយុទ្ធRonaldinho។

+FIFA 10៖ ខ្សែប្រយុទ្ធ Wayne Rooney ខ្សែប្រយុទ្ធស្លាប Theo Walcott និងខ្សែបម្រើ Frank Lampard។

+FIFA 11៖ ខ្សែប្រយុទ្ធ Wayne Rooney និងខ្សែបម្រើប្រយុទ្ធRicardo Kaká។

+FIFA 12៖ ខ្សែប្រយុទ្ធ Wayne Rooney និងខ្សែបម្រើ Jack Wilshere។

+FIFA 13៖ ខ្សែប្រយុទ្ធ Lionel Messi។

+FIFA 14៖ ខ្សែប្រយុទ្ធ Lionel Messi។

+FIFA 15៖ ខ្សែប្រយុទ្ធ Lionel Messi និងខ្សែប្រយុទ្ធស្លាប Eden Hazard។

+FIFA 16៖ ខ្សែប្រយុទ្ធ Lionel Messi។

+FIFA 17៖ ខ្សែប្រយុទ្ធស្លាប Marco Reus។

ដោយផ្អែកទៅលើគម្របផ្លូវការទាំងនេះរបស់ហ្គេម FIFA ក្នុងរយៈពេល ១២ឆ្នាំចុងក្រោយនេះ មានកីឡាករចំនួន ៨រូបដែលមានវត្តមានគម្របហ្គេមដ៏ល្បីមួយនេះមុនពេលខ្សែប្រយុទ្ធមុតស្រួច Cristaino Ronaldo ត្រូវបាន EA Sports ប្រកាសឲ្យក្លាយជាកីឡាករបន្ទាប់ដែលមានវត្តមានលើគម្របហ្គេមFIFA 18។

ខ្សែប្រយុទ្ធសញ្ជាតិអង់គ្លេស Wayne Rooney បានបង្ហាញខ្លួនដល់ទៅ ៧ដងនៅលើគម្របហ្គេមបាល់ទាត់នេះ ខណៈខ្សែប្រយុទ្ធឆ្នើមអាហ្សង់ទីន Lionel Messi ព្រមទាំងខ្សែបម្រើប្រយុទ្ធសញ្ជាតិប្រេស៊ីល Ronaldinho មានវត្តមាន ៤ដងដូចគ្នាក្នុងរយៈពេល ១២ឆ្នាំនេះ។ Hazard, Walcott, Lampard, Wilshere និង Reus សុទ្ធតែបានបង្ហាញខ្លួនលើគម្របហ្គេមដ៏ល្បីមួយនេះ បើទោះជាវត្តមាននេះមានតែចំនួនមួយលើកក៏ដោយ៕

ប្រភព៖ Mirror ប្រែសម្រួល៖ ជាន ចាន់រ៉ា