តម្លៃជួលហាងរបស់ Jessica នៅសហរដ្ឋអាមេរិក ខ្ពស់កប់ពពក
- 2017-09-18 09:00:34
- ចំនួនមតិ 0 | ចំនួនចែករំលែក 0
តម្លៃជួលហាងរបស់ Jessica នៅសហរដ្ឋអាមេរិក ខ្ពស់កប់ពពក
ចន្លោះមិនឃើញ
ហាងសំលៀកបំពាក់ម៉ាកល្បី យីហោ BLANC & ECLARE របស់អតីតចម្រៀងក្រុម Girls' Generation ស្ថិតនៅក្នុងតំបន់ពាណិជ្ជកម្មមួយក្នុងទីក្រុងញូយ៉ក ដែលជាទីតាំងដែលមានតម្លៃថ្លៃជាងគេនៅសហរដ្ឋអាមេរិក។
ហាងសំលៀកបំពាក់ដ៏ប្រណីតរបស់ Jessica បានបង្ហាញខ្លួនយ៉ាងត្រដែតក្នុងតំបន់នោះ ជាមួយការរចនាអគារយ៉ាងស៊ីវិល័យ។ មានទីតាំងនៅកន្លែងថ្លៃបែបនេះ អ្នកគាំទ្រជាច្រើនច្បាស់ជាចង់ដឹងណាស់ថា តើថៅកែហាងស្រីវ័យក្មេងរូបនេះ ត្រូវជួលអស់ប៉ុន្មានទៅ?
បើយោងតាមវិបសាយអចលនទ្រព្យមួយ បានបង្ហាញថាហាង BLANC & ECLARE នេះ ពោលគឺក្នុងមួយខែ Jessica ត្រូវចំណាយ ៥០៩,០០០ដុល្លារ ហើយបើគិតមួយឆ្នាំពេញ បូករួមនឹងថ្លៃសម្អាតបរិវេណខាងក្រៅ គឺត្រូវចំណាយរហូតដល់ទៅ ៦,១លានដុល្លារ។
ដោយសារថ្លៃជួលមានតម្លៃថ្លៃលើសលប់នេះ អ្នកគាំទ្រកាន់តែច្បាស់ហើយថា តើផលិតផលម៉ាកល្បីរបស់ Jessica ទទួលជោគជ័យយ៉ាងណាហើយ ព្រោះបើមិនកាក់កបទេ ម្ចាស់ហាងច្បាស់ជា មិនអាចទប់ទល់ថ្លៃចំណាយសន្ធឹកសន្ធាប់យ៉ាងនេះបានឡើយ៕