Facebook បើកមន្ទីរពិសោធន៍បច្ចេកវិទ្យា AI នៅកាណាដា
- 2017-09-18 11:52:56
- ចំនួនមតិ 0 | ចំនួនចែករំលែក 0
Facebook បើកមន្ទីរពិសោធន៍បច្ចេកវិទ្យា AI នៅកាណាដា
ចន្លោះមិនឃើញ
Facebook បានបើកមន្ទីរពិសោធន៍បច្ចេកវិទ្យា AI នៅប្រទេសកាណាដាកាលពីថ្ងៃសុក្រខណៈនាយករដ្ឋមន្ត្រីលោក Justin Trudeau យល់ព្រមទាំងក្ដីរីករាយ និងបានណែនាំពីសក្ដានុពល AI នាពេលអនាគត។
នាយករដ្ឋមន្ត្រីទី ២៣ វ័យ ៤៥ ឆ្នាំរបស់កាណាដា Trudeau និយាយទៅកាន់ហ្វូងមនុស្សនៅសកលវិទ្យាល័យ McGill University ថា៖ " ភាពច្នៃប្រឌិតកំពុងជំរុញភាពរុងរឿងរបស់យើងមិនត្រឹមតែក្រុង Montreal តែសម្រាប់ប្រទេសកាណាដាទាំងមូល"។ ដោយឡែកអ្នកជំនាញផ្នែកបច្ចេកវិទ្យា AI លោកស្រី Joelle Pineau នៅសកលវិទ្យាល័យ McGill ដែលនឹងដឹកនាំមន្ទីរពិសោធន៍នេះនិយាយថា ការវិនិយោគរបស់ Facebook ក្នុងមន្ទីរពិសោធន៍ស្រាវជ្រាវនឹងជំរុញការសិក្សា AI បន្ថែមទៀត។
លើសពីនេះទៅទៀតការផ្ដោតសំខាន់របស់លោកស្រី Pineau គឺធ្វើឱ្យកុំព្យូទ័រនិយាយជាមួយមនុស្សបានដែលជាការចង់បានរបស់ Facebook ដើម្បីប្រជែងជាមួយក្រុមហ៊ុន Apple, Google, Microsoft និងក្រុមហ៊ុនដទៃផ្សេងទៀតដែលអភិវឌ្ឍជំនួយការសិប្បនិម្មិតខណៈ Google និង Microsoft មានមន្ទីរពិសោធន៍ក្នុងប្រទេសកាណាដាដែលបង្កើតក្រុមអ្នកជំនាញផ្នែក AI រួចទៅហើយ ។
អាមេរិកនៅតែនាំមុខគេផ្នែក AI តែអ្នកជំនាញរបស់ខ្លួនសុទ្ធតែមកពីក្រៅប្រទេសហើយកាណាដាគឺជាកន្លែងទាក់ទាញសម្រាប់ក្រុមហ៊ុនមកវិនិយោគ AI ទៅវិញ ។ គួរបញ្ជាក់ថា នេះគឺជាមន្ទីរពិសោធន៍AIទី៤របស់ Facebook ខណៈមន្ទីរពិសោធន៍មាននៅបារាំងនិងពីរកន្លែងទៀតនៅទឹកដីអាមេរិក៕