“Real Madrid ចាប់ផ្ដើមរដូវកាលនេះ អាក្រក់ខ្លាំងបំផុត” : Ramos

2017-09-22 01:52:10
ចំនួនមតិ 0 | ចំនួនចែករំលែក 0

ចន្លោះមិនឃើញ

“វាជាការចាប់ផ្ដើមរដូវកាលអាក្រក់ខ្លាំងណាស់ ដែលសូម្បីតែក្រុមអាចឈ្នះក្នុងដីក៏យើងមិនអាចយកឈ្នះបាន។ យើងគួរតែគិតរឿងនេះឡើងវិញ មិនត្រូវបន្ទោសអ្នកណាទេ។ យើងមានកីឡាករដែលទើបតែឈ្នះពានកាលពី១ខែមុន”។ សម្ដីប្រធានក្រុម Sergio Ramos ។

ក្រុម Real Madrid ទើបតែបរាជ័យក្នុងដីខ្លួនឯងម្ដងទៀតកាលពីប៉ះជាមួយ Real Betis ថ្ងៃពុធកន្លងទៅនេះ ក្នុងលទ្ធផល ០-១។ បរាជ័យទាំងមានកីឡាករពេញជើងនេះដែរ ធ្វើឱ្យអ្នកគាំទ្រនិងកីឡាករក្នុងក្រុមផ្ទាល់ហាក់មិនសប្បាយចិត្តនោះទេ ដោយសារតែពួកគេមានក្ដីរំពឹងខ្ពស់ថានឹងលេងបានល្អជាងនេះ។ លទ្ធផលមិនល្អនេះដែរ ធ្វើឱ្យ Ramos គិតថានេះជាការចាប់ផ្ដើមរដូវកាលអាក្រក់បំផុតហើយសម្រាប់ក្រុម Real Madrid ដោយចាញ់៣ប្រកួតក្នុងដីខ្លួនឯង នា៥ប្រកួតក្នុងរដូវកាលថ្មីនេះ។

ខ្សែការពារខាងលើបានបន្ដទៀតថា៖ “ខ្ញុំមិនដឹងថាហេតុអ្វីបានជាយើងពិបាករកគ្រាប់បាល់នៅដីខ្លួនឯងដូច្នេះទេ។ វេលាចេះតែដើរទៅមុខអំឡុងពេលលេង ខណៈដែលគ្រាប់បាល់មិនមានទាល់តែសោះ។ យើងមានឱកាសដែរ ប៉ុន្តែយើងតែងតែមិនអាចធ្វើបានសម្រេចសោះ”។

មួយវិញទៀតនេះក៏ជាសម្ពាធមួយសម្រាប់ក្រុមការពារតំណែងជើងឯកមួយនេះផងដែរ ត្បិតអីបច្ចុប្បន្នពួកគេឈរនៅចំណាត់ថ្នាក់ទី៨ក្នុងតារាង មានត្រឹម៨ពិន្ទុ តាមពីក្រោយក្រុមកំពូលតារាង FC Barcelona ដល់ទៅ៧ពិន្ទុឯណោះ៕

អត្ថបទ៖ មុន្នីរម្យ