Tevez ៖ ទោះ៥០ឆ្នាំទៀត បាល់ទាត់ចិននៅតែគ្មានគីឡូជាមួយបាល់ទាត់លីគធំៗក្នុងពិភពលោក
- 2017-09-22 12:49:37
- ចំនួនមតិ 0 | ចំនួនចែករំលែក 0
Tevez ៖ ទោះ៥០ឆ្នាំទៀត បាល់ទាត់ចិននៅតែគ្មានគីឡូជាមួយបាល់ទាត់លីគធំៗក្នុងពិភពលោក
ចន្លោះមិនឃើញ
អតីតកីឡាករ Manchester United និង Manchester City ខ្សែប្រយុទ្ធ Carlos Tevez កាលពីពេលថ្មីៗបាននិយាយថា ទោះរយៈ ៥០ឆ្នាំទៀត បាល់ទាត់ក្នុងលីគកំពូលចិន នៅតែមិនអាចមានសមត្ថភាពប្រកួតប្រជែងជាមួយបណ្ដាបាល់ទាត់ក្នុងលីគធំៗក្នុងពិភពលោក។
បើទោះជាកំពុងលេងឲ្យក្លឹបចិន Shanghai Shenhua ជាមួយនឹងប្រាក់ឈ្នួល ៦៥០០០០ផោន ក្នុងមួយសប្ដាហ៍ក៏ដោយ ខ្សែប្រយុទ្ធវ័យ ៣៣ឆ្នាំ រូបនេះបានប្រាប់ទៅសារព័ត៌មានបារាំង SFR Sport ថា៖ "នៅទ្វីបអាមេរិកខាងត្បូង និងទ្វីបអឺរ៉ុប កីឡាករចាប់ផ្ដើមហាត់បាល់តាំងពីពួកគេនៅក្មេងម្ល៉េះ ដែលខុសគ្នាពីនៅទីនេះ (ចិន)។ ដូច្នេះបើនិយាយរឿងបច្ចេកទេស ពួកគេ (កីឡាករបាល់ទាត់ចិន) នៅស្ទើរណាស់"។អតីតខ្សែប្រយុទ្ធក្លឹបសេះបង្កង់ Juventus រូបនេះ បានបន្តទៀតថា៖"បាល់ទាត់នៅទីនេះ(ចិន) មានលក្ខណៈខុសប្លែកពីបណ្ដាបាល់ទាត់នៅអឺរ៉ុប និងអាមេរិកខាងត្បូងណាស់។ អ្នកគាំទ្រនៅទីនេះក៏ចាត់ទុកបាល់ទាត់ក្នុងន័យខុសគ្នាផងដែរ ហើយខ្ញុំគិតថា ទោះរយៈពេល ៥០ឆ្នាំទៀតទៅមុខទៀត ក៏បាល់ទាត់ចិននៅតែមិនអាចប្រកួតប្រជែងជាមួយបណ្ដាបាល់ទាត់ក្នុងលីគធំៗក្នុងពិភពលោក"។
គួរបញ្ជាក់ផងដែរ ខ្សែប្រយុទ្ធអាហ្សង់ទីន Carlos Tevez ទើបតែចាកចេញពីក្លឹបកំណើតខ្លួន Boca Juniors មកចូលរួមជាមួយក្លឹបចិន Shanghai Shenhua កាលពីខែមករាដើមឆ្នាំនេះតែប៉ុណ្ណោះ ដោយទទួលបានប្រាក់ឈ្នួល ៦៥០០០០ ផោនក្នុងមួយសប្ដាហ៍ដែលធ្វើឲ្យកីឡាកររូបនេះក្លាយជាកីឡាករទទួលបានប្រាក់ឈ្នួលច្រើនជាងគេលើលោក។ បើទោះជាបែបនេះ ខ្សែប្រយុទ្ធវ័យ ៣៣ឆ្នាំរូបនេះ ស៊ុតចូលបានតែ ៣គ្រាប់ប៉ុណ្ណោះ ក្នុងការបង្ហាញខ្លួនចំនួន ១៣ប្រកួតឲ្យក្លឹបចិនមួយនេះ ហើយកាលពីពេលថ្មីៗនេះ ទើបតែត្រូវបានគ្រូបង្វឹកក្លឹបមួយនេះ លោក Wu Jinguiមិនដាក់ឈ្មោះឲ្យចូលលេងក្នុងការប្រកួត បន្ទាប់ពីកីឡាករសញ្ជាតិអាហ្សង់ទីនរូបនេះត្រូវបានលោក Wu ថាឡើងទម្ងន់ខ្លាំងពេក៕