Mourinho ថាខ្សែប្រយុទ្ធទាំង៦របស់ Man Utd គួរតែដាក់ឲ្យលេងទាំងអស់

2017-09-24 06:16:46
ចំនួនមតិ 0 | ចំនួនចែករំលែក 0

ចន្លោះមិនឃើញ

José Mourinho ជឿជាក់ថាខ្សែប្រយុទ្ធរបស់ខ្លួនទាំង៦គ្មាននរណាសក្ដិសមអង្គុយកៅអីបម្រុងទេ គឺគួរតែបានលេងជាជម្រើសដំបូងទាំងអស់គ្នា។ យ៉ាងណាក៏ដោយលោកមិនដាក់ពួកគេឲ្យលេងម្ដង៦នាក់ក្នុងពេលតែមួយបាន។

ការនិយាយដូច្នេះធ្វើឡើងបន្ទាប់ពីក្រុមរហស្សនាមថាបិសាចក្រហមសំបូរដោយខ្សែប្រយុទ្ធកណ្ដាល និងប្រយុទ្ធស្លាបគរជើងគ្នានៅរដូវកាលនេះដូចជា Martial, Rashford, Juan Mata, Lingard, Lukaku និង Mkhitaryan នេះនៅមិនទាន់រាប់ Ibrahimovic ដែលកំពុងហ្វឹកហាត់ត្រៀមត្រឡប់មកពីរបួសផង។

អ្នកចាត់ការសញ្ជាតិព័រទុយហ្គាល់បាននិយាយថា៖ នៅពេលខ្ញុំគិតដល់ប្រកួតសប្ដាហ៍មុន ខ្ញុំសួរខ្លួនឯងថាតើ Martial, Rashford, Mata និង Lingard គួរដាក់នរណាឲ្យលេង ហើយម្នាក់ណាគួរបម្រុង? គ្មានទេគ្មាននរណាសមនឹងបម្រុងឡើយ។ ពួកគេទាំង៤ បូក Lukaku និង Mkhitaryan សុទ្ធតែល្អ ប៉ុន្តែខ្ញុំមិនអាចដាក់ម្ដងទាំងអស់បានឡើយ៕