មកស្គាល់ ស្ត្រីជប៉ុនដំបូងគេ បន្តអាជីពថតរូបរហូតដល់អាយុ១០១ឆ្នាំ

2017-09-24 07:23:03
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយTsuneko Sasamoto ត្រូវបានគេស្គាល់ថា ជាអ្នកថតរូបសារព័ត៌មានស្ត្រីដំបូងគេបំផុតរបស់ជប៉ុន ដែលចាប់ផ្ដើមតាំងពីមុន និងក្រោយសង្គ្រាមជប៉ុនតាំងពីអាយុ ២៥ឆ្នាំ។

ពេលលោកយាយអាយុ២០ឆ្នាំ

លោកយាយ Sasamoto ត្រូវបានគេចាត់ថាជាអ្នកថតរូបកម្របំផុត ក្នុងចំណោមអ្នកថតរូបចំណាស់ៗនៅលើពិភពលោក។ មកដល់បច្ចុប្បន្ននេះលោកយាយជប៉ុនរូបនេះ មានអាយុរហូតដល់១០១ឆ្នាំហើយ និងនៅតែបន្តអាជីពជាអ្នកថតរូបនេះ។

ពេលលោកយាយអាយុ៩៧ឆ្នាំ

សារព័ត៌មានដ៏ល្បីល្បាញ NHK Online reports របស់ជប៉ុន កំពុងធ្វើការប្រមូលចងក្រងរូបភាពឯកសាររបស់លោកយាយ Sasamoto សម្រាប់រយៈពេលជាង ៧០ឆ្នាំកន្លងទៅ ក្នុងអាជីពជាអ្នកថតរូបសារព័ត៌មានរបស់លោកយាយទៀតផង។

យ៉ាងណាក្ដីកាលពីឆ្នាំ ២០១៦ លោកយាយ Sasamoto បានជួបឧបទ្ទវហេតុបាក់ជើងទាំងពីរ និងដៃឆ្វេង ដែលធ្វើឱ្យសមត្ថភាពក្នុងការផ្ដិតយករូបភាពរបស់លោកយាយថយចុះមួយកម្រិត។ ទោះបីជាបែបនេះក៏ដោយបច្ចុប្បន្នលោកយាយកំពុងបង្កើតគម្រោងថតរូបមួយឈ្មោះថា “Hana Akari” or “Flower Glow” ដើម្បីរំឭកដល់មិត្តភក្ដិរួមអាជីពដែលបានលាចាកពីលោកនេះទៅ៕

ទស្សនាវីដេអូខាងក្រោមនេះ៖