រកឃើញជើងឯកទទួលពានលេខ១ ក្នុងមហោស្រពចាប៉ីដងវែង ឆ្នាំ២០១៧ហើយ

2017-09-25 04:58:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីមហោស្រពចាប៉ីដងវែង និងឧបករណ៍ខ្សែមួយ (ខ្សែដៀវ) ថ្នាក់ជាតិ ឆ្នាំ២០១៧នេះ បានរកឃើញជើងឯកទទួលពានរង្វាន់លេខ១ប្រចាំឆ្នាំនេះហើយ។

ប្រធាននាយកដ្ឋានសិល្បៈទស្សនីយភាព លោក ប៊ុត ចាន់ណា បានឱ្យ Sabay ដឹងថា ការរៀបចំមហោស្រពនេះឡើង គឺដើម្បីស្វែងរកអ្នកដែលមានទេពកោសល្យល្អជាងគេទាំងផ្នែកចាប៉ី និងឧបករណ៍ខ្សែមួយនៅទូទាំងប្រទេស។ ម្យ៉ាងវិញទៀតគឺដើម្បីអភិរក្ស និងផ្សព្វផ្សាយទម្រង់ទាំងពីរនេះទៅកាន់យុវជនជំនាន់ក្រោយឱ្យផុលផុសថែរក្សា។

“កម្មវិធីនេះប្រមូលសិល្បករទម្រង់ទាំងពីនេះទូទាំងប្រទេសឱ្យមកប្រឡង ដើម្បីរកអ្នកមានសមត្ថភាពខ្លាំងជាងគេ។ យើងធ្វើជារៀងរាល់ឆ្នាំ ហើយឆ្នាំក្រោយអាចនឹងមានទៀត តែយើងអត់ទាន់ដឹងថានឹងជ្រើសរើសទម្រង់មួយណាមកប្រឡងទេ”។

ផ្នែកចាប៉ី

ជយលាភីលេខ១ ផ្នែកចាប៉ីដងវែងបានទៅលើលោក ឡូត សុខគា ហៅ សុវណ្ណ គង្គា មកពីរាជធានីភ្នំពេញ។ លោកទទួលបានពាន១ អមដោយជ័យលាភីប័ណ្ណសរសើរ និងទឹកប្រាក់ចំនួន២លានរៀល។

ជយលាភីលេខ១

ជយលាភីលេខ២ បានទៅលើលោក ហ៊ុល សម្បត្តិ មកពីខេត្តកំពង់ឆ្នាំង ទទួលបានពាន១ អមដោយជ័យលាភីប័ណ្ណសរសើរ និងទឹកប្រាក់ចំនួន ១លាន ៨០ម៉ឺនរៀល។
ជយលាភីលេខ៣ បានទៅលើលោក សាន់ ស៊ឺន មកពីខេត្តកោះកុង ទទួលបានពាន១ អមដោយជយលាភីប័ណ្ណសរសើរ និងទឹកប្រាក់ចំនួន ១លាន៥០ម៉ឺនរៀល។

ផ្នែកឧបករណ៍ខ្សែមួយ

ជ័យលាភីលេខ១ លោក ទាវ រតនា មកពីខេត្តកណ្ដាល ទទួលបានពាន១ អមដោយជ័យលាភីប័ណ្ណសរសើរ និងទឹកប្រាក់ចំនួន២លានរៀល។

ជ័យលាភីលេខ២ បានទៅលើលោក វ៉ិន ទុំ ទទួលបានពាន១ អមដោយជ័យលាភីប័ណ្ណសរសើរ និងទឹកប្រាក់ចំនួន ១លាន ៨០ម៉ឺនរៀល។
ជ័យលាភីលេខ៣បានទៅលើលោក ម៉ន រ៉ាវី ទទួលបានពាន១ អមដោយជ័យលាភីប័ណ្ណសរសើរ និងទឹកប្រាក់ចំនួន១លាន៥០ម៉ឺនរៀល។

ប្រធានគណៈកម្មការវាយតម្លៃ និងឱ្យពិន្ទុលោក សេង សំអាន បានឱ្យដឹងថា ជយលាភីទាំងអស់ទទួលបានពិន្ទុ ដោយវាយតម្លៃទៅលើ សំឡេង ចង្វាក់ ការប្រគំ និងការបកស្រាយសុភាសិត។

គួរបញ្ជាក់ថា សិល្បករប្រឡងក្នុងមហោស្រពជាតិ ឆ្នាំ២០១៧នេះ ទាំងផ្នែកចាប៉ី និងឧបករណ៍ខ្សែមួយសរុបទាំងអស់ចំនួន ៧៦ នាក់។ ផ្នែកចាប៉ីដងវែងមានសិល្បករចំនួន ៦៧នាក់ ស្រី៤នាក់ និងឧបករណ៍ខ្សែមួយមានសិល្បករចំនួន៩ នាក់។

សិល្បករទាំងអស់ដែលបានប្រឡងក្នុងមហោស្រពជាតិ រួមទាំងលោកតា គង់ ណៃ ត្រូវបានអនុញ្ញាតឱ្យចូលជួបសម្ដេចនាយករដ្ឋមន្ត្រីនៃកម្ពុជា នៅវិមានសន្តិភាពនៅថ្ងៃទី២៩ខែកញ្ញាខាងមុខនេះ៕

អត្ថបទៈ ប៉ូ សាគុន

ពាក្យទាក់ទង

សិល្បៈបុរាណខ្មែរ

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ