ក្រសួងគ្រោងបង្កើតតំបន់ខ្លាធំនៅមណ្ឌលគិរី
- 2017-09-25 06:57:18
- ចំនួនមតិ 0 | ចំនួនចែករំលែក 0
ក្រសួងគ្រោងបង្កើតតំបន់ខ្លាធំនៅមណ្ឌលគិរី
ចន្លោះមិនឃើញ
ក្រសួងបរិស្ថានឲ្យដឹងថាក្រសួង និងស្ថាប័នពាក់ព័ន្ធគ្រោងនឹងបង្កើតឲ្យមានតំបន់សម្រាប់ខ្លាធំនៅក្នុងខេត្តមណ្ឌលគិរី ដោយថាដើម្បីជាប្រយោជន៍សម្រាប់កិច្ចការពារធនធានធម្មជាតិនាពេលបច្ចុប្បន្ន និងអនាគត ខណៈដែលពេលនេះនៅកម្ពុជាមិនមានខ្លាប្រភេទនេះនោះទេ។
ក្រសួងបានសរសេរនៅលើហ្វេសប៊ុករបស់ខ្លួននៅថ្ងៃនេះថា ចាប់ពីថ្ងៃទី២៥ ដល់២៩ ខែកញ្ញា មន្ត្រីជំនាញក្រសួងបរិស្ថាន ដៃគូសហការមកពីប្រទេសឥណ្ឌា និងអង្គការWWF នឹងចុះទៅពិនិត្យស្ថានភាពជាក់ស្តែងក្នុងខេត្តមណ្ឌលគិរីដើម្បីរៀបចំតំបន់ខ្លាធំនេះ។ បើតាមក្រសួង ដែនជម្រកសត្វព្រៃស្រែពកនឹងត្រូវជ្រើសរើសសម្រាប់កិច្ចការនេះ។
ក្រសួងឲ្យដឹងថាកាលពីឆ្នាំ២០០៧ សត្វខ្លាធំមានពី១០ទៅ១៥ក្បាលនៅកម្ពុជា តែថាជាងមួយឆ្នាំចុងក្រោយនេះខ្លាប្រភេទនេះមិនមានទៀតនោះទេ។ ក្រសួងសរសេរថាៈ «កាលពីឆ្នាំ២០០៧ ការសិក្សារកឃើញសត្វខ្លាធំមានប្រមាណ ពី១០ ទៅ១៥ ក្បាល នៅក្នងព្រៃកម្ពុជា សត្វខ្លាធំត្រូវបានបាត់ខ្លួនអស់រយៈពេលជាងមួយឆ្នាំកន្លងមកតាមរយៈការត្រួតពិនិត្យនិងវាយតម្លៃ»។
កម្ពុជានឹងនាំពូជខ្លាធំពីប្រទេសឥណ្ឌាដើម្បីឲ្យមានការបង្កាត់ពូជជាថ្មីនៅក្នុងប្រទេសកម្ពុជា។ នេះបើតាមប្រភពដដែល។ ក្រសួងសរសេរទៀតថាៈ «ការនាំចូលសត្វខ្លាធំត្រឡប់មកវិញ អាចធ្វើឲ្យតំបន់ពិសេសមួយនេះអាចរក្សាបានទៅអនាគត និងក្លាយជាតំបន់អភិវឌ្ឍន៍មួយសម្រាប់ភាគឦសាននៃប្រទេសកម្ពុជា»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
