ប្រទេសថៃចង់បាន ឃីម ឌីម៉ា និង ឡៅ ចន្រ្ទា ទៅបង្ហាញស្នាដៃម្ដង
- 2017-09-25 08:17:35
- ចំនួនមតិ 0 | ចំនួនចែករំលែក 0
ប្រទេសថៃចង់បាន ឃីម ឌីម៉ា និង ឡៅ ចន្រ្ទា ទៅបង្ហាញស្នាដៃម្ដង
ចន្លោះមិនឃើញ
តាមការឲ្យដឹងពីសំណាក់អ្នកដឹកនាំកីឡាករថៃមកប្រកួតនៅកម្ពុជា ថានៅឯប្រទេសថៃ ពួកគេចង់បានកីឡាករលំដាប់លេខ១-២ របស់កម្ពុជាទៅប្រកួតនៅទីនោះខ្លាំងណាស់ ប៉ុន្តែឃ្វាងមិនបានសម្រេចនោះទេ។
លោក Thavin Sor. Danchhai ជាអ្នកដឹកនាំកីឡាករថៃមកឡើងសង្វៀននៅកម្ពុជាបានឲ្យដឹងថា នាពេលកន្លងមកលោកបាននាំកីឡាករកម្ពុជាច្រើនរូបដែរ ទៅចូលរួមប្រកួតកម្មវិធីនានានៅឯប្រទេសថៃ ដូចជា ឡុង សុភី ម៉ឺន សុភា យ៉េន ឌីណា ជាដើម។ សម្រាប់អ្នកនិយមប្រដាល់ ក៏ដូចជាអ្នករៀបចំកម្មវិធីប្រដាល់ផ្សេងៗនៅទីនោះតែងតែសួរលោក អំពីកីឡាករ ឡៅ ចន្រ្ទា និង ឃីម ឌីម៉ា ដើម្បីអញ្ជើញកីឡាករជួរមុខរបស់កម្ពុជាទាំងនេះ ទៅប្រកួតដើម្បីបង្ហាញពីសមត្ថភាព និងចង់ឃើញការប្រកួតដោយផ្ទាល់នៅលើទឹកដីថៃតែម្ដង។
អ្នករៀបចំដែលមានដើមកំណើតខ្មែរសូរិនរូបនេះបន្ថែមទៀតថា ហេតុតែខាងថៃគេចង់បានទៅប្រកួតនោះ ព្រោះអ្នកប្រដាល់ទាំងនេះខ្លាំង វ៉ៃល្អ ល្បីនៅកម្ពុជា ជាពិសេសទៀតនោះ ឃីម ឌីម៉ា ទើបនិងឈ្នះមេដាយស៊ីហ្គេមថ្មីៗនេះ ប៉ុន្តែការប៉ងចង់បានកីឡាករកម្ពុជាទៅប្រកួតនេះមិនបានសម្រេចទេ ព្រោះអ្នកប្រដាល់ប៉ុន្មាននាក់នេះភាគច្រើនរវល់រហូត។
លោក Thavin Sor. Danchhai ជាមន្ត្រីខាងផ្នែកប្រដាល់មួយរូបនៅឯប្រទេសថៃ និងជាម្ចាស់ក្លឹបប្រដាល់ Sor.Danchhaiនៅឯសូរិនផងដែរ ហើយនៅសប្ដាហ៍មុននេះលោកបានដឹកនាំកីឡាករថៃនិងឡាវ មកប្រកួតកម្មវិធីម៉ារ៉ាតុង ថែមទាំងឈ្នះជើងឯកយកប្រាក់រង្វាន់៤លានរៀលទៅប្រទេសថៃវិញផងដែរ៕