ទិញដីឡូត៍ប្រភេទណា ទើបមិនព្រួយរឿងចាញ់បោកគេ?
- 2017-09-26 08:27:21
- ចំនួនមតិ 0 | ចំនួនចែករំលែក 0
ទិញដីឡូត៍ប្រភេទណា ទើបមិនព្រួយរឿងចាញ់បោកគេ?
ចន្លោះមិនឃើញ
បច្ចុប្បន្ននេះមានក្រុមហ៊ុនជាច្រើនពុះដីឡូត៍លក់ព្រោងព្រាតក្នុងតម្លៃថោកៗ តែអាចប្រឈមមុខនឹងហានិភ័យច្រើន។ ក្នុងនោះអ្នកជំនាញផ្នែកអចលនទ្រព្យជាច្រើនក៏បានលើកឡើងដែរថា ប្រសិនបើប្រជាពលរដ្ឋចង់ទិញដីឡូត៍នៅកន្លែងណាមួយត្រូវសិក្សាឱ្យបានច្បាស់លាស់ ទាំងទីតាំងក្ដី ផ្នែកផ្លូវច្បាប់ក្ដី។ ដូច្នេះតើគួរធ្វើដូចម្ដេចទើបមិនព្រួយរឿងចាញ់បោកគេ?
បើតាមការលើកឡើងរបស់លោក Kiran Kumar Reddy អគ្គនាយកក្រុមហ៊ុន STAR5 ផ្នែកអចលនទ្រព្យដ៏ធំមួយក្នុងប្រទេសកម្ពុជា បានឱ្យដឹងថា មុនសម្រេចចិត្តទិញដីឡូត៍នៅកន្លែងណាមួយចំណុចសំខាន់ៗត្រូវសិក្សារួមមាន៖ តើដីនោះស្ថិតនៅក្នុងតំបន់អភិវឌ្ឍឫទេ? ទៅថ្ងៃអនាគតតើអាចទទួលផលប្រយោជន៍អ្វីខ្លះពីដីនៅតំបន់នោះ? តើដីឡូត៍ទាំងនោះ មានច្បាប់អនុញ្ញាតត្រឹមត្រូវ និងមានប្លង់រឹងដែរឫទេ? ជាពិសេសនោះត្រូវសិក្សាពីប្រព័ន្ធលូបង្ហូរទឹក ការតភ្ជាប់បណ្ដាញទឹកភ្លើងជាដើម។ ចំណុចសំខាន់មួយទៀតគឺត្រូវទិញដីដែលមានក្រុមហ៊ុនច្បាស់លាស់ មានអាជ្ញាប័ណ្ណត្រឹមត្រូវ ដើម្បីបញ្ចៀសពីហានិភ័យនានា។
សូមជម្រាបជូនថា បច្ចុប្បន្ននេះក្រុមហ៊ុន STAR5 ក៏កំពុងប្រតិបត្តិការទៅលើការលក់ដីឡូត៍នេះដែរ ទន្ទឹមនឹងនេះដែរ លោក Kiran Kumar Reddy បានអះអាងថា ក្រុមហ៊ុនរបស់ជាលក្ខណៈស្ដង់ដារអន្តរជាតិ មានច្បាប់អនុញ្ញាតត្រឹមត្រូវ មានប្លង់រឹងជូនប្រជាពលរដ្ឋ ដែលដីឡូត៍ទាំងនោះកំពុងបើកលក់នៅតាមបណ្ដោយផ្លូវជាតិលេខ៤ ក្នុងភូមព្រៃផ្ដៅ ខេត្តកំពង់ស្ពឺ។ យ៉ាងណាក្ដីលោកនៅតែសំណូលពរឱ្យប្រជាពលរដ្ឋធ្វើការស្រាវជ្រាវឱ្យបានច្បាស់លាស់ តាមរយៈអាជ្ញាធរមានសមត្ថកិច្ច ជាពិសេសប្រធានភូមិ ប្រធានឃុំនេះតែម្ដងដែលដឹងព័ត៌មានច្បាស់លាស់៕