Sony ចេញមុខបញ្ជាក់ថាស្មាតហ្វូនជំនាន់ថ្មី លែងមានរូបរាងដូចមុន
- 2017-09-28 02:14:31
- ចំនួនមតិ 0 | ចំនួនចែករំលែក 0
Sony ចេញមុខបញ្ជាក់ថាស្មាតហ្វូនជំនាន់ថ្មី លែងមានរូបរាងដូចមុន
ចន្លោះមិនឃើញ
រយៈពេលប៉ុន្មានឆ្នាំកន្លងមកនេះ Sony នៅតែផលិតស្មាតហ្វូនដោយប្រើរចនាបថការឌីហ្សាញដែលមានឈ្មោះថា OmniBalance ដោយមិនខ្វល់នឹងទំនោរបច្ចុប្បន្នដែលគេនិយមផលិតស្មាតហ្វូនមានស៊ុមអេក្រង់ស្ដើងនោះទេ។
ប៉ុន្តែថ្មីៗនេះមានពាក្យចចាមអារ៉ាមថា Sony នឹងសម្រេចជម្រុះចោលរចនាបថ OmniBalance លើការផលិតស្មាតហ្វូនជំនាន់ថ្មី ដោយប្ដូរមកប្រើរចនាបថថ្មីដែលមានឈ្មោះថា Mirai។ ពេលនេះមានការបញ្ជាក់ពីនាយកគ្រប់គ្រងក្រុមហ៊ុន Sony ប្រចាំប្រទេសឥណ្ឌា ថាពាក្យចចាមអារ៉ាមនេះជាដំណឹងពិត។ លោក Kenichiro Hibi បានលើកឡើងក្នុងបទសម្ភាសន៍មួយថា ៖ "យើងបានប្រើប្រាស់រចនាបថ OmniBalance នេះយូរមកហើយនៅលើត្រកូល X ហើយពេលនេះយើងកំពុងមានផែនការថានឹងប្រកាសចេញផលិតផលជំនាន់ថ្មី ដែលមានរចនាបថថ្មីទាំងស្រុង”។
លោក Hibi មិនបានបញ្ជាក់ពីរចនាបថថ្មីថាមានលក្ខណៈបែបណានោះទេ ហើយក៏មិនបានប្រាប់ថានឹងបង្ហាញចេញពេលណាដែរ។ ប៉ុន្តែបើតាមទំនៀមទម្លាប់ Sony តែងប្រកាសចេញស្មាតហ្វូននៅក្នុងកម្មវិធី MWC នាដើមឆ្នាំ ឬកម្មវិធី IFA នៅចុងឆ្នាំ៕