ធ្លាយមូលហេតុសម្ដេចពន្យារពេលជួបសិស្សនិទ្ទេស A ព្រោះកាដូពិសេសមួយនេះ
- 2017-09-28 03:12:16
- ចំនួនមតិ 0 | ចំនួនចែករំលែក 0
ធ្លាយមូលហេតុសម្ដេចពន្យារពេលជួបសិស្សនិទ្ទេស A ព្រោះកាដូពិសេសមួយនេះ
ចន្លោះមិនឃើញ
សម្ដេច ហ៊ុន សែន បានមានប្រសាសន៍កាលពីព្រឹកមិញនេះថា តាមពិតសម្ដេចត្រូវជួបបេក្ខជននិទ្ទេស A ទាំង ៤២៤នាក់ តាំងពីមុនថ្ងៃទី ១៤ តុលាមកម្ល៉េះ ប៉ុន្តែដោយសារ iPad ជាកាដូរពិសេសដែលមានលក់នៅក្នុងប្រទេសកម្ពុជា មានចំនួនមិនគ្រប់ ទើបត្រូវបញ្ជាទិញពីក្រៅប្រទេសបន្ថែមទៀត។
សម្ដេចនាយករដ្ឋមន្ត្រីថ្លែងបន្ថែមទៀតថា ដោយសារចំនួន iPad ត្រូវប្រគល់ជូនសិស្សមានទៅដល់ជាង ៤០០គ្រឿង ទើបត្រូវកុម្ម៉ង់ពីក្រៅប្រទេស ហើយត្រូវមកដល់ប្រទេសកម្ពុជានៅថ្ងៃទី ០១ ខែតុលា និងចំថ្ងៃដែលសម្ដេចជាប់ភារកិច្ចជាបន្តបន្ទាប់ទៀត។ ដូច្នេះហើយទើបការជួបសំណេះសំណាលជាមួយសិស្សនិទ្ទេស A ពន្យារពេលដល់ថ្ងៃទី ១៤ ខែតុលា។
យ៉ាងណាក្ដីសម្ដេច ហ៊ុន សែន បានធ្វើការកោតសរសើរចំពោះសិស្សានុសិស្សដែលខំប្រឹងប្រែងសិក្សារៀនសូត្រទទួលបានលទ្ធផលយ៉ាងល្អ។ ជាពិសេសកំណែទម្រង់របស់ក្រសួងអប់រំយុវជន និងកីឡា ដែលធ្វើឱ្យវិស័យអប់រំក្នុងប្រទេសកម្ពុជាកាន់តែមានគុណភាព។ ទន្ទឹមនឹងដែរ សម្ដេចក៏ជំរុញលើកទឹកចិត្តឱ្យសិស្សនិស្សិតទាំងអស់ត្រូវធ្វើយ៉ាងណាបណ្ដុះខ្លួនឯងឱ្យក្លាយជាធនធានមនុស្សដ៏មានគុណភាព ព្រោះកម្ពុជាជាប្រទេសទីផ្សារសេរី និងមានការប្រកួតប្រជែង។ ដូច្នេះមិនថាក្រុមហ៊ុនណាទេ ក៏ត្រូវការអ្នកមានសមត្ថភាពពិតប្រាកដចូលបម្រើការងារដែរ។
សូមជម្រាបជូនថា សម្ដេចតេជោ ហ៊ុន សែន បញ្ជាក់ពីមូលហេតុការពន្យារពេលជួបសំណេះសំណាលជាមួយសិស្សនិទ្ទេស A នេះក្នុងពេលសម្ដេចអញ្ជើញចែកសញ្ញាបត្រដល់និស្សិតជយលាភី នៃសាកលវិទ្យាល័យចេនឡា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
