ចង់ក្លាយជាអ្នកជំនាញថតរូបបាល់ទាត់ គួរច្បាស់ពីមុខងារនេះ

2017-09-28 06:20:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតសកម្មភាពដែលមានចលនា ជាពិសេសការប្រកួតបាល់ទាត់ ឬកីឡាគ្រប់ប្រភេទ គឺចាំបាច់បំផុតក្នុងការប្រើប្រាស់ Continuous shooting mode ដែលជាជម្រើសដ៏ល្អ ដែលអាចឲ្យអ្នកបន្តថតដរាបណាអ្នកនៅចុចជាប់នឹងប៊ូតុងShutter រហូតដល់ Buffer កាមេរ៉ាពេញ ដែលមានន័យថាអ្នកអាចថតរូបភាពជាច្រើនជាបញ្ចប់សកម្មភាពតែម្ដង។

រូបតំណាង

ការថតរូបភាពកីឡាគ្រប់ប្រភេទឲ្យបានល្អ ប្រិយមិត្តអាចអនុវត្តតាមគន្លឹះសាមញ្ញ ដោយពិនិត្យមើលនូវសកម្មភាពនានាហើយអនុវត្ត នឹងបន្តអនុវត្តទៀត។ អ្នកអាចរក្សាកាមេរ៉ានៅនឹងភ្នែកអ្នក ហើយតាមសកម្មភាពក្នុង **Viewfinder** បើមិនដូច្នោះទេ អ្នកប្រហែលជាអាចបាត់បង់ផ្នែកសំខាន់ណាមួយ។

រូបតំណាង

ក្នុងកីឡាមួយចំនួន សកម្មភាពល្អៗអាចកើតឡើងពេញទីលាន ខណៈកីឡាខ្លះមានសកម្មភាពតិចតួច។ ឧទាហរណ៍៖ ក្មេងស្រីលេងបាល់ ហើយអ្នកសម្រេចចិត្តថានឹងថតរូបភាពគ្រប់សកម្មភាពដែលនាងលេង។ អ្នកអាចស្វែងយល់ជាបន្តបន្ទាប់ពីការអនុវត្តរបស់អ្នក។ គន្លឹះផ្សេងទៀត គួរប្រាកដថាមានបាល់ស្ថិតក្នុងប្លង់ថត ប្រសិនបើអ្នកថតរូបភាពដែលប្រើប្រាស់បាល់។ ម្យ៉ាងវិញទៀត មិនត្រឹមតែអ្នកអាចថតរូបភាពសកម្មភាពបានល្អនោះទេ ប៉ុន្តែអ្នកអាចថតនូវទឹកមុខរបស់កីឡាករពេលចាញ់ ឬឈ្នះ ហើយអ្នកក៏អាចថតរូបលក្ខណៈ Portrait បានផងដែរ៕