ស្ថានភាពជំងឺ យូ ឌីស្កូ ពេលនេះយ៉ាងណាហើយ?
- 2017-09-28 09:09:38
- ចំនួនមតិ 0 | ចំនួនចែករំលែក 0
ស្ថានភាពជំងឺ យូ ឌីស្កូ ពេលនេះយ៉ាងណាហើយ?
ចន្លោះមិនឃើញ
បើតាមកំលោះសង្ហា សាយ សៀរ៉ា បានទៅសួរសុខទុក្ខលោក យូ ឌីស្កូ នៅព្រឹកមិញនេះប្រាប់ Sabay ថាស្ថានភាពជំងឺតារាសម្ដែងរូបនេះបានប្រសើរបន្តិចហើយ។
សាយ សៀរ៉ា បានរៀបរាប់ថា នៅពេលនេះដៃជើងលោក យូ ឌីស្កូ បានស្រកហើយមិនសូវហើមដូចថ្ងៃម្សិលមិញទេ ។ ចំពោះអាហារវិញគ្រូពេទ្យ មិនទាន់អនុញ្ញាតឲ្យទទួលទានបាយ ខណៈពេលនេះ បានទទួលទានបានតែបបរប៉ុណ្ណោះ។
“ខ្ញុំអត់ដឹងថាបង ស្កូ គាត់ចេញពីពេទ្យថ្ងៃណាទេ ខ្ញុំសួរ គាត់ប្រាប់ខ្ញុំថាអត់ទាន់ដឹងដែរ ប៉ុន្តែគាត់នៅតែបន្តោង សេរ៉ូម និងបន្តចាក់ថ្នាំដដែល ហើយខ្ញុំក៏សប្បាយចិត្តដែរពេលឃើញស្ថានភាពជំងឺគាត់បានប្រសើរជាងមុន"។ តារាសម្ដែងមកពីខេត្តកំពង់ចាមបញ្ជាក់។
គួរបញ្ជាក់ថា យូ ឌីស្កូ ធ្លាក់ខ្លួនឈឺចូលមន្ទីរពេទ្យភ្លាមៗដោយជំងឺ ទឹកនោមប្រៃ ខូចក្រលៀន និងកម្រិតឈាមឡើងខ្ពស់កាលពីថ្ងៃទី ២៦ ខែកញ្ញា កន្លងទៅនៅមន្ទីរពេទ្យ កេតុមាលា៕
ចុចអាន៖ព័ត៌មានពាក់ព័ន្ធ យូ ឌីស្កូ
ចុចអាន៖ករុណា ពេជ្រ បកស្រាយរឿងកុមារា ហឿន បូរី ចូលផលិតកម្មថោន
ចុចអាន៖ចាន់ សុផានី បណ្ដើរកូនស្រីគួរឲ្យស្រលាញ់ទៅឡើងផ្ទះ ថន លក្ខិណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
