រថយន្តអគ្គិសនីរបស់ Audi ចាប់ផ្ដើមផលិតហើយ

2017-09-28 12:12:07
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តអគ្គិសនីរបស់ Audi ចាប់ផ្ដើមសង្វាក់ផលិតកម្មនៅឯរោងចក្រទូទាំងពិពភលោករួមមានរោងចក្រនៅប្រទេសម៉ិកស៊ិក និងហុងគ្រីជាដើម ។ នេះបើយោងតាមការលម្អិតពីគម្រោងគ្មានការបំភាយជាតិពុលរបស់ក្រុមហ៊ុន Audi នៅថ្ងៃពុធម្សិលមិញ។

Audi ដែលគ្រប់គ្រងដោយក្រុមហ៊ុនមេ Volkswagen កាលពីឆ្នាំមុនទទួលបានការផលិតរថយន្តអគ្គិសនីទ្រង់ទ្រាយធំដំបូងរបស់ខ្លួននៅឯរោងចក្រស្ថិតក្នុងក្រុង ព្រុយស៊ែល ប្រទេសអាល្លឺម៉ង់ហើយត្រូវបានសង្កត់ធ្ងន់ដោយសហជីពការងារដើម្បីចូលរួមចំណែកក្នុងគម្រោងរថយន្តអគ្គិសនីក្នុងប្រទេសអាល្លឺម៉ង់ ។ ប្រធាននាយកប្រតិបត្តិលោក Rupert Stadler ប្រាប់ទៅកាន់កម្មករ ៧ ០០០ នាក់នៅឯរោងចក្រ Ingolstadt ថា នាពេលអនាគតរថយន្តអគ្គិសនីនឹងមានសង្វាក់ផលិតកម្មនៅឯរោងចក្រទាំងអស់។

ក្រៅពីរោងចក្រ Ingolstadt និង Neckarsulm ដែលជួលកម្មករ២ភាគ៣នៃកម្មករទាំងអស់ ៨៨ ០០០ របស់ Audi ហើយក្រុមហ៊ុនក៍គ្រប់គ្រងរោងចក្រនៅប្រទេសបែលហ្ស៊ិក ម៉ិកស៊ិក និងប្រទេសហុងគ្រីព្រមទាំងប្រើប្រាស់ប្រព័ន្ធដំណើរការដោយក្រុមហ៊ុនមេ Volkswagen និងក្រុមហ៊ុន Skoda ដើម្បីផលិតរថយន្តអគ្គិសនីនៅក្រៅប្រទេស ។ ដោយឡែកប្រធានអភិវឌ្ឍរបស់ Audi លោក Peter Mertens និយាយថា ក្រុមហ៊ុនគ្រោងបញ្ចេញរថយន្តអគ្គិសនីច្រើនជាង ២០ គ្រឿងមុនឆ្នាំ ២០២៥ ដែលក្នុងនោះមាន ១២ គ្រឿងត្រូវបានបង្កើតឡើងដោយមានសមាសភាគថ្មតែមួយគត់ ៕

ប្រភព៖ Channelnewsasia ប្រែសម្រួល៖ សិរីបុទ្រ