អត្ថន័យពិធីបុណ្យសែនព្រះខែរបស់ចិន ដែលឈានមកដល់ប៉ុន្មានថ្ងៃខាងមុខ
- 2017-09-30 09:22:36
- ចំនួនមតិ 0 | ចំនួនចែករំលែក 0
អត្ថន័យពិធីបុណ្យសែនព្រះខែរបស់ចិន ដែលឈានមកដល់ប៉ុន្មានថ្ងៃខាងមុខ
ចន្លោះមិនឃើញ
ពិធីបុណ្យសែនព្រះខែ នឹងប្រព្រឹត្តទៅនៅថ្ងៃទី ៤ តុលា ខាងមុខ។ ពិធីបុណ្យសែនព្រះខែចិន (Mid-Autumn Festival) ជាទូទៅត្រូវបានគេប្រារព្ធនៅថ្ងៃពេញបូណ៌មី នៃខែទី៨ នៃប្រតិទិនចិន ហើយវាជាពិធីបុណ្យធំទី២ បន្ទាប់ពីចូលឆ្នាំចិន។ ពិធីបុណ្យនេះមានលក្ខណៈស្រដៀងគ្នា ទៅនឹង ពិធីបុណ្យ អុំទូក អកអំបុក និង សំពះព្រះខែរបស់ខ្មែរ។
១ គោលបំណងពិធីបុណ្យ
បុណ្យសែនព្រះខែ ធ្វើឡើងដើម្បីរលឹកអបអរដល់ការបញ្ចប់រដូវប្រមូលផល ដូចគ្នាទៅនឹងបុណ្យអុំទូកដែរ។
២ កំណើតនៃពិធីបុណ្យ
បុណ្យសែនព្រះខែ ត្រូវបានប្រារព្ធជាលើកដំបូងក្នុងរជ្ជកាលរាជវង្សសុង (៩៦០-១១២៧) ចន្លោះពីសតវត្សទី១០ ដល់ ១២ នៃគ្រិស្តសករាជ ដែលបានបានកើតឡើងប្រហាក់ប្រហែលគ្នានឹងបុណ្យអុំទូកខ្មែរ មានកំណើតដំបូងក្នុងរាជព្រះបាទ ជ័យវរ្ម័នទី៧ (ចន្លោះចុងសតវត្សទី១២ ដល់ដើម សតវត្សទី១៣ នៃ គ្រិស្តសករាជ)។
៣ សំពះព្រះខែ
ទាំងបុណ្យសែនព្រះខែ និង បុណ្យអុំទូក សុទ្ធតែផ្សារភ្ជាប់ជំនឿទៅនឹងព្រះចន្ទដូចគ្នា។ ជំនឿរបស់ចិន ព្រះចន្ទមូល មានន័យថា "ការរួបរួមគ្នា"។ ហេតុដូច្នេះ ពិធីបុណ្យសំពះព្រះខែ នាយប់ពេញវង្ស នាសរទរដូវ (រដូវរំហើយ) ជាពេលវេលាដែលគេជឿថាព្រះចន្ទភ្លឺថ្លា និង ច្បាស់ជាងគេក្នុងមួយឆ្នាំ។
៤ ធ្វើនៅសរទរដូវ
មិនថា បុណ្យសែនព្រះខែ ដែលច្រើនប្រារព្ធនៅខែតុលា ខណៈបុណ្យអុំទូក ភាគច្រើនធ្វើនៅខែវិច្ឆិកា អាស្រ័យប្រតិទិនចន្ទគតិរបស់ខ្មែរ ប៉ុន្តែពិធីបុណ្យទាំង២នេះ ធ្វើឡើងនៅសរទរដូវដូចគ្នា។
៥ ជាពិធីបុណ្យជាតិដ៏ធំ
ចិនបានអនុញ្ញាត ឲ្យប្រជាជនរបស់ខ្លួនឈប់សម្រាករយៈពេល៣ថ្ងៃ សម្រាប់ពិធីបុណ្យសែនព្រះខែនេះ ដូចគ្នានឹងកម្ពុជា ដែលបានឈប់សម្រាករយៈពេល៣ថ្ងៃ នាពិធីបុណ្យអុំទូក អកអំបុក សំពះព្រះខែ៕