មូលហេតុធ្វើឲ្យ Crystal Palace រកមិនបានសូម្បី១គ្រាប់សម្រាប់៧ប្រកួតជាប់ៗគ្នា
- 2017-10-01 03:33:58
- ចំនួនមតិ 0 | ចំនួនចែករំលែក 0
មូលហេតុធ្វើឲ្យ Crystal Palace រកមិនបានសូម្បី១គ្រាប់សម្រាប់៧ប្រកួតជាប់ៗគ្នា
ចន្លោះមិនឃើញ
លោក Roy Hodgson បាននិយាយថា Crystal Palace គឺជា "អ្នកប្រដាល់ដែលលោកគ្មានលទ្ធភាពអាចគ្រប់គ្រងបាន" បន្ទាប់ពីក្រុមឥន្ទ្រីចាញ់ ៧ ប្រកួតជាប់ៗគ្នា និងស៊ុតមិនបានសូម្បី ១ គ្រាប់ ហើយ ២ ប្រកួតចុងក្រោយរបូត ៩ គ្រាប់ គឺត្រូវ Man City លត់ ៥ គ្រាប់ និង Man Utd ថែម ៤ គ្រាប់ទៀតកាលពីយប់មិញ។
"យើងទទួលការវាយសំពងដួលលើតាបពី ហើយព្យាយាមងើបក្រោកឡើងវិញ"។ សម្តីលោក Hodgson។
លោកថា Crystal Place ត្រូវការថ្នាំដើម្បីព្យាបាល។
អតីតគ្រូបង្វឹកក្រុមអង់គ្លេស វ័យ៧០ឆ្នាំ លោក Hodgson ត្រូវបានតែងតាំងជាគ្រូបង្វឹក Crystal Palace កាលពីថ្ងៃទី ១២ ខែកញ្ញា បន្ទាប់ពីលោក Frank de Boer ត្រូវបានក្លឹបបណ្ដេញចេញ។
Crystal Palace មិនមានវត្តមានខ្សែប្រយុទ្ធថ្លៃបំផុតរបស់ក្លឹប Christian Benteke ដែលផ្ទេរមកពី Liverpool ក្នុងកំណត់ត្រា ២៧លានផោន ដោយសាររបួសជង្គង់ដែលត្រូវសម្រាករយៈពេល៦សប្ដាហ៍ ហើយត្រូវជំនួសដោយខ្សែបម្រើស្លាបឆ្វេង Bakary Sako ដែលឡើងទៅលេងជាខ្សែប្រយុទ្ធវិញ។ Role នេះ មិនធ្លាប់លេងសោះក្នុង អាជីពបាល់ទាត់របស់គេ។ BBC Sports បានរាយការណ៍។
ដោយឡែកខ្សែប្រយុទ្ធម្នាក់ទៀតរបស់ក្លឹបឥន្រ្ទី Freddie Ladapo មកលេងក្នុងក្របខ័ណ្ឌ Premier League ជាលើកដំបូង។ ហេតុដូច្នេះ លោក Hodgson គ្មានជម្រើសអ្វីច្រើនក្រៅតែពីរៀបចំប្រព័ន្ធ ដ៏ទន់ខ្សោយដូចដែលក្លឹបមានសព្វថ្ងៃ ឬ ត្រូវជ្រើសយកប្រព័ន្ធ ៤-៦-០។ ប្រភពខាងលើបន្ត។