ផន ប៊ុនម៉ៅ ប្រវត្តិប្រកួតមិនធម្មតាធ្លាប់វ៉ៃ រឿង សុភ័ណ្ឌ និង ផល សោភ័ណ្ឌ សន្លប់ដូចគ្នា
- 2017-10-02 03:22:26
- ចំនួនមតិ 0 | ចំនួនចែករំលែក 0
ផន ប៊ុនម៉ៅ ប្រវត្តិប្រកួតមិនធម្មតាធ្លាប់វ៉ៃ រឿង សុភ័ណ្ឌ និង ផល សោភ័ណ្ឌ សន្លប់ដូចគ្នា
ចន្លោះមិនឃើញ
អ្នកលេងគុនខ្មែរ ផន ប៊ុនម៉ៅ ថាកាលពីមុនធ្លាប់ឈ្នះកីឡាករជើងខ្លាំងជួរមុនរបស់កម្ពុជាបច្ចុប្បន្ន២រូប រួមមាន រឿង សុភ័ណ្ឌ និង ផល សោភ័ណ្ឌ តែប្រកួតក្នុងទម្ងន់ ៣៦គីឡូក្រាមនោះទេ។
កីឡាករ ផន ប៊ុនម៉ៅ បានឲ្យដឹងថា បើនិយាយពីចំនួនប្រកួតវិញនោះរាប់ស្ទើរភ្លេចទៅហើយ ជើងខ្លាំងជួរមុខរបស់កម្ពុជាច្រើននាក់ផងដែរ ដែលបានជួបប្រកួតនាពេលកន្លងមក។ រូបគេធ្លាប់ផ្ដួលកីឡាករ រឿង សុភ័ណ្ឌ ឲ្យសន្លប់២ដងនៅក្នុងទឹកទី២ដូចគ្នា ការប្រកួតនោះគឺប្រភេទទម្ងន់ស្រាល៣៦គីឡូក្រាម។ ចំណែកការប៉ះ ផល សោភ័ណ្ឌ ៣លើកសន្លប់ក្រោមថ្វីដៃរបស់ខ្លួនទាំង ៣លើក ដែលកាលនោះប្រកួតក្នុងទម្ងន់ ៣៦, ៥១ និង៥៤គីឡូក្រាម។
អតីតជើងខ្លាំងរូបនេះបន្ថែមទៀតថា កាលដែលវ៉ៃនៅជំនាន់នោះ គឺចាញ់តែកីឡាករ ឃីម ឌីម៉ា ម្នាក់គត់នៅសង្វៀន CTN តាមចាំពេលនោះគឺចាញ់ដោយសន្លប់ទៀតផង។ ឃីម ឌីម៉ា ជាជើងខ្លាំងប្រចាំខេត្ត ឯខ្លួន(ប៊ុនម៉ៅ)វិញ គឺជើងខ្លាំងប្រចាំភ្នំពេញ។ ប៊ុនម៉ៅ បន្តថា ជ័យជម្នះទាំងនោះគឺជាអតីតកាលនោះទេ តែបច្ចុប្បន្ននេះអ្នកប្រដាល់ទាំងនោះក្លាយជាជើងខ្លាំងប្រចាំប្រទេសអស់ហើយ។ ប៊ុនម៉ៅ ប្រាប់ទៀតថា មូលហេតុដែលធ្វើឲ្យរូបគេមិនសូវមានកេរ្តិ៍ឈ្មោះនោះ គឺដោយសារមិនបានប្រកួតជាប់ ដូចកីឡាករដទៃទៀត ដែលពួកគេបន្តហ្វឹកហាត់និងឡើងសង្វៀនជាប់រហូត។
ផន ប៊ុនម៉ៅ មកពីក្លឹបបូរីរាជសីហ៍មានរិទ្ធ រូបគេទើបតែឡើងទៅវគ្គទី២ មាន១៦នាក់ចុងក្រោយនៃពានរង្វាន់ TV5 Knock Out Series បន្ទាប់ពីឈ្នះពិន្ទុមិត្តរួមជាតិ រ៉ា សារ៉ែម កាលពីថ្ងៃសៅរ៍ ទី៣០ កញ្ញា ២០១៧ កន្លងទៅប៉ុន្មានថ្ងៃនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
