របួសសរសៃពួរកំពុងក្លាយជាមេរោគញាំញីកីឡាករថ្លៃៗ
- 2017-10-02 04:32:03
- ចំនួនមតិ 0 | ចំនួនចែករំលែក 0
របួសសរសៃពួរកំពុងក្លាយជាមេរោគញាំញីកីឡាករថ្លៃៗ
ចន្លោះមិនឃើញ
តាមការសង្កេតឃើញ មួយរយៈចុងក្រោយនេះក្លឹបធំៗមួយចំនួនកំពុងជួបបញ្ហារបួសកីឡាករ ជាពិសេសសរសៃពួរជើងតែម្ដង។ ក្លឹបទាំងនោះកំពុងក្រពុលមុខដោយសាររបួសនេះ កើតឡើងលើតែកីឡាសំខាន់ៗ ដែលក្លឹបនាំចូល។ ខាងក្រោមនឹងបង្ហាញកីឡាថ្លៃៗទើបមានបញ្ហាសរសៃពួរ៖
១.Dembélé
ក្នុងជំនួបជាមួយ Gatefe កាលពីពាក់កណ្ដាលខែ កញ្ញា Ousmane Dembele កីឡាករថ្លៃជាងគេទីពីរ ៩៧លានផោន ត្រូវប្ដូរចេញត្រឹមនាទី២៥ ដោយសារមានរបួសសរសៃពួរ។ ក្រោយការស្កេនពីគ្រូពេទ្យលទ្ធផលបង្ហាញថា Dembele ត្រូវសម្រាក៤ខែ ឬយ៉ាងហោចណាស់ក៏៣ខែកន្លះ។
២. Pogba
តាមការបញ្ជាក់ចុងក្រោយពីលោក Jose Mourinho ថា Paul Pogba ត្រូវសម្រាករយៈពេលយូរ មិនអាចកំណត់បាន ក្រោយរងបួសសរសៃពួរ។ កីឡាករថ្លៃជាងគេទី៣រូបនេះ បានរងរបួស ពេល Man Utd លេងទល់នឹង Basel នៅ Champions League។
៣. Morata
ក្រោយទិញពី Real Madrid ក្នុងតម្លៃ៧០លានផោន បង្ហាញខ្លួនទើបតែ៧ប្រកួតនៅ Premier League ពេលនេះ Alvaro Morata បានជួបបញ្ហាសរសៃពួរ។ ក្នុងការប្រកួតរវាង Chelsea និង Man City កាលពីចុងសប្ដាហ៍កន្លងទៅ កីឡាករអេស្ប៉ាញសុំប្ដូរចេញនៅវគ្គទីមួយ ព្រោះមើលឃើញខ្លួនឯងមិនសូវស្រួល។ តាមការឲ្យដឹងMorata ត្រូវសម្រាករយៈពេលខ្លី ពោល២សប្ដាហ៍ ហើយ ពេលជួប Crystal Palace អាចនឹងត្រលប់មកវិញ។
៤. Iniesta
ក្នុងការប្រកួតដែលគ្មានមនុស្សចូលមើលយប់មិញ រវាង Barcelona និង Las Palmas ខ្សែបម្រើជើងចាស់ Andres Iniesta ត្រូវបានផ្លាស់ប្ដូរចេញនៅនាទី៨៣ ព្រោះមានបញ្ហាសរសៃពួរ៕
ចុចអាន៖
Pique និយាយទាំងទឹកភ្នែករឿងហិង្សានៅ Barcelona និងថាអាចចេញពីជម្រើសជាតិ
ខ្សែការពារ Lyon ម្នាក់បានកាតក្រហមយ៉ាងហួសចិត្តព្រោះកាយវិការអចេតនា