ចំណាប់អារម្មណ៍ អ្នកគាំទ្រកម្ពុជាទៅមើល Man Utd ហើយជួប Sir Alex ផ្ទាល់

2017-10-02 07:31:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱកាសល្អកម្ររកបាន លោក កែវ ដារ៉ា អ្នកស្រលាញ់ក្លឹបបាល់ទាត់ Manchester United តាំងពីយូរមកហើយនោះ បានឆ្លៀតឱកាសទៅទស្សនាក្រុមសំណព្វចិត្តផ្ទាល់ ហើយក៏បានជួបថតរូបជាមួយលោក Sir Alex Fugerson ផងដែរ។

លោក កែវ ដារា បុគ្គលិកក្រុមហ៊ុនសែលកាត បានធ្វើដំណើរកម្សាន្តនៅតំបន់អឺរ៉ុបកាលពីពេលថ្មីៗនេះ។ ជារឿងល្អ អំឡុងពេលដើរលេងនោះ លោកមានឱកាសបានទៅមើលក្រុម Man Utd លេងនៅ Old Trafford ផ្ទាល់តែម្ដង។ លោក កែវ ដារា បានរៀបរាប់ថាបរិយាកាសទៅមើលផ្ទាល់ពិតជាអស្ចារ្យជាងមើលតាមទូរទស្សន៍ឆ្ងាយណាស់ បុគ្គលិកនៅទីនោះពិតជារស់រាយនិងការរៀបចំរបស់គេក៏ល្អថែមទៀត។ ខណៈដែលការជួបលោក Sir Alex នោះ ក៏ជារឿងចៃដន្យដែរ។ Sir Alex ជាមនុស្សសាមញ្ញខ្លាំងណាស់។

ចំពោះតម្លៃចូលទស្សនាការប្រកួតនៅ Old Trafford នោះ គឺមានតម្លៃ៥៣ផោន (៧០ដុល្លារអាមេរិក) ហើយបើមានឱកាស លោក កែវ ដារា នឹងទៅទស្សនាការប្រកួតរបស់ Man Utd ម្ដងទៀត ព្រោះទីក្រុង Manchester ស្អាត ប្រជាជនគេរស់រាយរាក់ទាក់ ហើយងាយស្រួលធ្វើដំណើរទៀតផង៕