ទោះស៊ុតចូល Chelsea តែ Bruyne ប្រើពាក្យមួយម៉ាត់គោរពដល់ក្រុមចាស់
- 2017-10-02 08:16:44
- ចំនួនមតិ 0 | ចំនួនចែករំលែក 0
ទោះស៊ុតចូល Chelsea តែ Bruyne ប្រើពាក្យមួយម៉ាត់គោរពដល់ក្រុមចាស់
ចន្លោះមិនឃើញ
Kevin De Bruyne បាននិយាយថាការសងសឹកទៅលើក្លឹបចាស់ Chelsea មិនមែនជាអ្វីដែលខ្លួនប្រាថ្នាចង់បាននោះទេ។
ការនិយាយដូច្នេះរបស់ខ្សែបម្រើសញ្ជាតិបែលហ្ស៊ិកបន្ទាប់ពីរូបគេក្លាយជាវីរបុរសស៊ុតគ្រាប់ជ័យជម្នះ ១-០ ឲ្យ Manchester City យកឈ្នះ Chelsea នៅទឹកដី Stamford Bridge កាលពីថ្ងៃសៅរ៍។ De Bruyne ជាអតីតកីឡាករ Chelsea អំឡុងឆ្នាំ២០១៤ ប៉ុន្តែដោយគ្មានជម្រើសលេងត្រូវក្លឹបលក់ទៅឲ្យ Wolfsburg មុនពេលផ្ទេរទៅ City រហូតដល់បច្ចុប្បន្ន។
យ៉ាងណាក៏ដោយតារាឆ្នើមវ័យ២៦ឆ្នាំបានចាត់ទុកបទពិសោធន៍នៅ Chelsea ថាជាហេតុផលដែលធ្វើឲ្យរូបគេកាន់តែខ្លាំងជាងមុន។ "អ្វីដែលបានកើតឡើងគឺខ្ញុំមិនមានវិប្បដិសារីនោះទេ។ Chelsea បានធ្វើឲ្យខ្ញុំកាន់តែខ្លាំងជាងមុន។ ការចេញនាគ្រានោះក្លឹបចំណេញប្រាក់ ហើយខ្ញុំបានធ្វើរឿងដ៏ត្រឹមត្រូវសម្រាប់អនាគត"៕