ប៉ុន្មានថ្ងៃទៀតរឿងមួយ ដែលមានអ្នកមើលច្រើននៅថៃ នឹងចាក់លើប៉ុស្តិ៍ PNNហើយ

2017-10-02 10:31:44
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "ព្រះម៉ែនាគរាជ" នឹងមានវត្តមាននៅប៉ុស្ត៍ PNN ចាប់ពីថ្ងៃទី ៤ខែតុលា ឆ្នាំ ២០១៧តទៅ រៀងរាល់ថ្ងៃ ចន្ទ ដល់ថ្ងៃពុធ វេលាម៉ោង ៩ ដល់ ១០យប់។

រឿងភាគថៃបុរាណខាងលើនិយាយពី នារីស្រស់ស្អាតម្នាក់ឈ្មោះ ខាំកែវ ដែលនាងជាមនុស្សស្រីធម្មតា ប៉ុន្តែមានជាប់ពាក់ព័ន្ធនឹងជំនឿវេទមន្ត ដ៏ចម្លែកអស្ចារ្យម្យ៉ាង។ ខាំកែវ ដែលដើរតួដោយ (taewaew_natapohn ) គឺជាស្រីស្អាតម្នាក់ ក្នុងភូមិ Baan Dorn Mai ដែលមានវិជ្ជាសីលយ៉ាងចម្លែក ប៉ុន្តែគ្មានអ្នកណាម្នាក់ បានដឹងពីរឿងនេះទេ សូម្បីតែខ្លួននាងផ្ទាល់។ ដោយឡែក ភុតសាផុន (ken_phupoom) គឺជានិស្សិតផ្នែកបុរាណវិទ្យាម្នាក់ ដែលត្រូវចុះកម្មសិក្សា នៅក្នុងភូមិ Bann Dorn Mai ជាមួយគ្រូ និងមិត្តភក្តិរបស់គេ។

ភុតសាផុន បានប្រទះឃើញរូបចម្លាក់ព្រះម៉ែនាគ ដោយចៃដន្យ ហើយគេ និងមិត្តភក្តិផ្សេងៗទៀត ក៏បានជួបនឹងរឿងរ៉ាវចម្លែក តាំងពីពេលនោះមក។ ក្នុងពេលនោះ ភុតសាផុន បានធ្លាក់ក្នុងអន្លង់ស្នេហ៍ របស់ខាំកែវ ហើយសុខចិត្តលះបង់អ្វីៗ គ្រប់យ៉ាងដើម្បីរៀបការរួមរស់ជាមួយនាង។

ក្តីស្រលាញ់របស់នាង មិនបានសុខនោះទេ ព្រោះមានមនុស្សជាច្រើនច្រណែនឈ្នានីស ហើយតាមប៉ុនប៉ង បំបែកបំបាក់អ្នកទាំង ២ រហូតដល់បាត់បង់មនុស្សជាទីស្រលាញ់ជាច្រើន ដូចជាម្តាយនាង និងបរិវារផ្សេងទៀត។ គ្រប់វគ្គ សុទ្ធតែមានសាច់រឿងប្រទាក់ក្រឡាគ្នា ដែលលោកអ្នក មិនគួររំលង។ ចង់ដឹងថារឿងនេះល្អមើលយ៉ាងណានោះ សូមកុំភ្លេចរង់ចាំទស្សនាបន្ថែមនៅ PNN។

សូមទស្សនាវីដេអូខ្លីខាងក្រោម៖

តាមដានព័ត៌មានពីរឿងភាគ ភីអិនអិន សូមចូលទៅកាន់៖ www.facebook.com/PNNDramaFanClub