Cristaino Ronaldo៖ "ខ្ញុំមិនដែលភ្លេច Man Utd ទេ!"

2017-10-03 13:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ជើងឯកពាន Ballon D'or ៤ សម័យ ខ្សែប្រយុទ្ធ Cristaino Ronaldo កាលពីពេលថ្មីៗនេះ បាននិយាយថាខ្លួនមិនដែលភ្លេចអតីតក្លឹបរបស់ខ្លួន Manchester United ឡើយ។

កាលលេងឲ្យ Man Utd ឈ្នះពានស្បែកជើងមាស

ក្នុងកិច្ចសម្ភាសន៍ Nike Football ខ្សែប្រយុទ្ធព័រទុយហ្គាល់រូបនេះ បានថ្លែងថា៖ **"ខ្ញុំមិនដែលភ្លេចក្លឹបបិសាចក្រហមឡើយ។ ខ្ញុំបានរៀនសូត្រច្រើនណាស់នៅទីនោះ ដែលការរៀនសូត្រទាំងនេះជួយឲ្យខ្ញុំបង្កើនសមត្ថភាពឲ្យកាន់តែល្អឡើងៗ រហូតក្លាយជាកីឡាករមួយក្នុងចំណោមកីឡាករល្អបំផុតលើលោក"។**

Ronaldo បានបន្តទៀតថា៖ "បើសិនជាអ្នកមានរបស់ពីរយ៉ាង ពោលគឺ ទេពកោសល្យ និងការខិតខំប្រឹងប្រែង នោះអ្នកនឹងក្លាយជាកីឡាករមួយរូបយ៉ាងល្អ ហើយខ្ញុំគិតថាខ្ញុំជាកីឡាករប្រភេទហ្នឹង"។ បើទោះជាសម្ដែងការនឹករលឹកបែបនេះចំពោះក្លឹបចាស់របស់ខ្លួនក៏ដោយ ខ្សែប្រយុទ្ធវ័យ ៣២ឆ្នាំរូបនេះ នៅតែបង្ហាញអារម្មណ៍ល្អរបស់ខ្លួនចំពោះក្លឹបយក្ស Real Madrid និងប្រទេសអេស្ប៉ាញទាំងមូលដដែល។

ខ្សែប្រយុទ្ធ Cristaino Ronaldo បានចំណាយពេល ៦ឆ្នាំនៅក្លឹបបិសាចក្រហម Manchester United ក្រោមការដឹកនាំរបស់អ្នកចាត់ការដ៏ជោគជ័យ លោក Alex Ferguson មុនពេលចាកចេញទៅក្លឹប Real Madrid កាលពីឆ្នាំ ២០០៩ ក្នុងតម្លៃ ៨០លានផោន ដែលជាតម្លៃថ្លៃបំផុតក្នុងកំណត់ត្រាបាល់ទាត់នាពេលនោះ៕