មកស្គាល់ប្រភេទសត្វព្រៃកម្រមួយចំនួនដែលកំពុងមានវត្តមាននៅកម្ពុជា

2017-10-04 04:01:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការសមាគមអភិរក្សសត្វព្រៃ (WCS)បានរកឃើញជាបន្តបន្ទាប់នូវប្រភេទសត្វកម្រ និងងាយរងគ្រោះនៅក្នុងប្រទេសកម្ពុជា។ ប្រភេទសត្វទាំងនេះមិនត្រឹមតែមានចំនួនតិចតួចនៅក្នុងប្រទេសកម្ពុជានោះទេ តែក៏មានចំនួនតិចតួចនៅលើសកលលោកផងដែរ។ ត្រង់ចំណុចនេះអង្គការWCS ថាការធ្លាក់ចុះនៃចំនួនសត្វទាំងនេះបណ្តាលមកពីការបរបាញ់ បាត់បង់ជម្រក និងការរំខានពីមនុស្សជាតិជាដើម។

ថ្ងៃនេះ Sabay នាំយកប្រភេទសត្វកម្រ និងងាយរងគ្រោះមួយចំនួនមកចុះផ្សាយ ហើយសត្វទាំងនេះកំពុងមានវត្តមាននៅកម្ពុជា។

សត្វទាព្រៃស្លាបសៈ សត្វប្រភេទនេះត្រូវបានអង្គការ WCS ថាមានចំនួនចន្លោះពី២៥០ក្បាលទៅ១០០០ក្បាលប៉ុណ្ណោះនៅលើសកលលោក ហើយមានចំនួនតិចតួចរស់នៅប្រទេសកម្ពុជានៅតំបន់អភិរក្សខេត្តព្រះវិហារ។

(សត្វទាព្រៃស្លាបស កំពុងចេញពីសំបុកក្នុងរូងឈើ)

- សត្វត្មាតៈ ចំនួនសត្វត្មាតនៅកម្ពុជា បានធ្លាក់ចុះខ្លាំង និងប្រឈមនឹងការវិនាសបាត់បង់នេះបើតាមអង្គការWCS។ អង្គការនេះថានៅបច្ចុប្បន្ននេះសត្វត្មានមានប្រហែលជា១២១ក្បាលប៉ុណ្ណោះដែលកំពុងរស់នៅក្នុងដែនជម្រកសត្វព្រៃឆែប ខេត្តព្រះវិហារ និងសៀមប៉ាង ខេត្តស្ទឹងត្រែង។

(សត្វត្មាតកំពុងរោមស៊ីអាហារ)

សត្វក្រពើព្រៃៈ សត្វប្រភេទនេះWCSថាមានចំនួនប្រហែលជា៤១០ក្បាលប៉ុណ្ណោះនៅលើសកលលោកដែលមាននៅប្រទេសឥណ្ឌូនេស៊ី ថៃ វៀតណាម និងកម្ពុជាប៉ុណ្ណោះ ហើយថាក្នុងនោះមានប្រហែល១០០ទៅ៣០០ក្បាលកំពុងរស់នៅកម្ពុជានិងភាគច្រើនក្នុងខេត្តកោះកុង។

(កូនក្រពើព្រៃដែលទើបញាស់នៅមជ្ឈមណ្ឌលដើម្បីចិញ្ចឹម ថែរក្សាខេត្តកោះកុង)

សត្វត្រយ៉ងយក្សៈ សត្វប្រភេទនេះWCSថាមានប្រហែលជា១៩៤ក្បាលប៉ុណ្ណោះនៅលើពិភពលោក ហើយ៩៩គាយនៃចំនួនសត្វត្រយ៉ងយក្សពេញវ័យទាំងនេះរស់នៅក្នុងខេត្តមណ្ឌលគិរីប្រទេសកម្ពុជា ក្រៅពីនេះមាននៅប្រទេសវៀតណាម និងឡាវ។

(សត្វត្រយ៉ងយក្សដែលក្រុមអភិរក្សថតបាននាពេលកន្លងទៅ)

សត្វក្រៀលៈ សត្វក្រៀលមានរស់នៅតែក្នុងប្រទេសអូស្ត្រាលី កម្ពុជា ឥណ្ឌា ឡាវ មីយ៉ាន់ម៉ា នេប៉ាល់ ប៉ាគីស្ថាន និងវៀតណាមប៉ុណ្ណោះ។ ចំនួនរបស់វានៅ លើសកលលោកមានប្រមាណ១០ ០០០ក្បាល ក្នុងនោះដែរ៥០០ក្បាល កំពុងមានវត្តមាននៅភាគខាងជើងនៃប្រទេសកម្ពុជា ។

(សត្វក្រៀលក្នុងដែនជម្រកសត្វព្រៃខេត្តព្រះវិហារ)

ដោយមើលឃើញពីការធ្លាក់ចុះ និងភាពងាយរងគ្រោះរបស់សត្វទាំងនេះក្រុមអ្នកអភិរក្សាបានស្នើដល់ប្រជាពលរដ្ឋ និងភាគីពាក់ព័ន្ធចូលរួមអភិរក្សសត្វកម្រទាំងនេះទាំងអស់គ្នាដោយថាដើម្បធានានិរន្តភាពរបស់សត្វទាំងនេះក្នុងប្រទេសកម្ពុជា៕

អត្ថបទ៖ ទូច សុខា

រូបភាព៖ WCS

ពាក្យទាក់ទង

បរិស្ថាន

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត