សាលារាជធានីសហការជាមួយជប៉ុនប្រើឧបរណ៍ទំនើបពិនិត្យប្រព័ន្ធលូ

2017-10-04 07:48:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សាលារាជធានីភ្នំពេញ និងអង្គការJICA ជប៉ុនសហការគ្នាបូមស្តារប្រព័ន្ធលូនៅតំបន់វត្តភ្នំដោយប្រើនូវកាមេរ៉ាសម្រាប់ថតទិដ្ឋភាពប្រព័ន្ធលូ ហើយកាមេរ៉ានេះបញ្ជាដោយឧបករណ៍រ៉ូប៉ូត ដែលមានឈ្មោះជាភាសាជប៉ុនថា «ម៉ុគីរីនកុ»។ នេះបើតាមការផ្សាយរបស់ស្ថានទូតជប៉ុនប្រចាំកម្ពុជា។

ស្ថានទូតជប៉ុនប្រចាំកម្ពុជានៅថ្ងៃនេះបានសរសេរលើទំព័រហ្វេសប៊ុករបស់ខ្លួនថាលោកឯកអគ្គរាជទូតជប៉ុន ហូរីណូអ៊ុជិ បានជួបពិភាក្សាជាមួយប្រធានក្រុមហ៊ុនជប៉ុន Ishikawa Iron Works Co.,LTD និងមន្ត្រីការិយាល័យទឹកនឹងលូនៃទីក្រុងគីតាក្យូស្ស៊ូ នៃប្រទេសជប៉ុន ដោយនិយាយពីការស្តារប្រព័ន្ធលូនៅតំបន់វត្តភ្នំ។

(លោកឯកអគ្គរាជទូតជប៉ុន ហូរីណូអ៊ុជិ កំពុងបញ្ជាសាកល្បងឧបករណ៍ពិនិត្យប្រព័ន្ធលូ/រូបភាព៖ ស្ថានទូតជប៉ុន)

បើតាមប្រភពដដែល ការបូមស្តារប្រព័ន្ធលូនេះនឹងប្រើប្រាស់ការមេរ៉ាដើម្បីថត ដែលកាមេរ៉ានោះបញ្ជាដោយរ៉ូប៉ូតមួយហៅថា«ម៉ុគីរីនកុ»។

ឯកអគ្គរាជទូតជប៉ុនបានប្រាប់ទៅភាគីក្រុមហ៊ុន និងមន្ត្រីជប៉ុនឲ្យជួយពិនិត្យឲ្យបានហ្មត់ចត់ចំពោះការងារបូមលូនេះ ដោយថាតំបន់នោះបានលិចទឹកនឹងបង្កការរំខានដល់ការរស់នៅរបស់ប្រជាពលរដ្ឋ។ ពត៌មាននៅលើទំព័រហ្វេសប៊ុកដដែលសរសេរថាៈ « ទឹកជំនន់គឺជាបញ្ហាធំមួយ ដែលបង្កផលប៉ះពាល់ដល់ការរស់នៅប្រចាំថ្ងៃរបស់ប្រជាជននៅរាជធានីភ្នំពេញ ហើយឯកឧត្តមបានជំរុញលើកទឹកចិត្តដល់ក្រុមការងារបូមស្តារប្រព័ន្ធលូឲ្យត្រួតពិនិត្យដោយហ្មត់ចត់ និងស្វែងរកដំណោះស្រាយល្អប្រសើរសម្រាប់ការកាត់បន្ថយទឹកជំនន់នៅរាជធានីភ្នំពេញ»។

ការងារនេះចាប់ផ្តើមធ្វើនៅថ្ងៃទី៤ និងទី៥ខែតុលា នេះ។ នេះបើតាមព័ត៌មានពីស្ថានទូតជប៉ុនដដែល។

ចំណែកខាងមន្ទីរសាធារណការរាជធានីឲ្យដឹងដែរថាកិច្ចការនេះជាការងារសាកល្បងស្តារបណ្តាញលូនៅជុំវិញតំបន់វត្តភ្នំដោយប្រើឧបករណ៍វាស់ស្ទង់ និងកាមេរ៉ាឆែកពិនិត្យកំណត់ភក់ក្នុងបំពង់លូ និងគុណភាពបេតុកក្រោមដី៕

អត្ថបទ៖ ទូច សុខា

ពាក្យទាក់ទង

បរិស្ថាន

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អត្ថបទថ្មី

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

ចៃដន្យមែន! តារាចម្រៀង ២ រូប ដឹកដៃគូស្នេហ៍ចូលរោងការថ្ងៃនេះដូចគ្នា

ដៃធ្ងន់ដូច ធឿន ធារ៉ា អីចឹងធ្វើបានជោគជ័យទេប្រកួត Kick Boxing យប់នេះ

ទៅមើល Exhuma ចាប់អារម្មណ៍តែតួប្រុសតួស្រី តិចមើលរំលងតួបិសាចមេទ័ពជប៉ុន រូបពិតសង្ហាមិនណយ