អ្នកសង្ឃឹមប៉ះអ្នកសង្ឃឹម ចាំមើលអ្នកណាឈ្នះឲ្យប្រាកដថ្ងៃអាទិត្យនេះ

2017-10-05 09:29:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងរបស់កម្ពុជា ចាន់ រតនា នឹងត្រូវឡើងសង្វៀនជាមួយកីឡាករឡាវ Namphol Petchchinda ជាលើកទី២ ដើម្បីដណ្ដើមយកជយលាភីលេខ៣ ខ្សែក្រវាត់ស្រាបៀលីអូនាថ្ងៃអាទិត្យនេះ ខណៈអ្នកទាំងពីរថាដឹងក្បាច់គ្នាអស់ហើយសង្ឃឹមឈ្នះរៀងៗខ្លួន។

កីឡាករ ចាន់ រតនា

បើតាមការលើកឡើងរបស់ ចាន់ រតនា កាលជួបគ្នាដំបូងថា ខ្លួនដឹងក្បាច់របស់កីឡាករឡាវរូបនេះរួចហើយថាពូកែស្នៀតអ្វីនោះ ហើយថែមទាំងបានហាត់ត្រៀមរួចជាស្រេចផងដែរកាលជំនួបគ្នាដំបូងនោះ ប៉ុន្តែដល់ប្រើមិនសូវបានល្អនោះទេ តែបើជួបគ្នាម្ដងទៀតនោះ មិនពិបាកវ៉ៃដូចលើកទី១ឡើយ នឹងសង្ឃឹមឈ្នះម្ដងទៀតផងដែរ។

កីឡាករឡាវ Namphol

កីឡាករ ចាន់ រតនា

ចំណែកកីឡាករឡាវ Namphol Petchchinda ក៏បានបង្ហើបឲ្យដឹងក្រោយជួបគ្នាលើកទី១ថា ការចាញ់នោះគឺដោយសារភ្លាត់ស្នៀតនៅទឹកទី៥ ហើយបើជួបគ្នាម្ដងទៀតនោះរូបគេសង្ឃឹមឈ្នះ ១០០% តែម្ដង ព្រោះដឹងពីសមត្ថភាពរបស់ដៃគូរួចមកហើយ។

ចាន់ រតនា ក្រហម

ចាន់ រតនា ជួបកីឡាករឡាវ Namphol Petchchinda ម្ដងរួមមកហើយកាលប្រកួតសន្សំពិន្ទុក្នុងពួល ដោយពេលកីឡាករកម្ពុជាខាងលើផ្ដួលអ្នកលេងឆ្លងដែនមកពីឡាវសន្លប់នៅទឹកទី៥ នៅឯសង្វៀនបាយ័នបឹងស្នោ។ ចាំមើលតើការប៉ះគ្នាលើកទី២នេះអ្នកណាជាអ្នកខ្លាំងពិតប្រាកដ និងជាម្ចាស់ជយលាភីលេខ៣ ខ្សែក្រវាត់ស្រាបៀលីអូ នៅថ្ងៃអាទិត្យ ទី៨ តុលា ២០១៧៕

អត្ថបទ៖ នួន ស៊ីណា