មន្ទីរសាធារណការបញ្ចេញប្លង់ស្ពានអាកាសថ្មើរជើងមួយទៀតហើយ នៅកណ្ដាលភ្នំពេញ

2017-10-06 01:05:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗនេះ មន្ទីរសាធារណការ និងដឹកជញ្ជូនបានបញ្ចេញប្លង់ស្ពានអាកាសថ្មើរជើង មួយទៀតហើយនៅជុំវិញស្តុបរង្វង់មូលនាងគង្ហីង ក្នុងខណ្ឌ៧មករា ដែលនឹងគ្រោងចាប់ផ្ដើមសាងសង់នៅសប្ដាហ៍ក្រោយនេះ។

គម្រោងស្ពានអាកាសថ្មើរជើងថ្មីនេះ ត្រូវបានមន្ទីរសាធារណការសហការជាមួយក្រុមហ៊ុន OCIC ដើម្បីសម្រួលដល់ការធ្វើដំណើរថ្មើរជើងឆ្លងកាត់ស្តុប មិនប៉ះពាល់ចរាចរ និងធានាសុវត្ថិភាពជូនបងប្អូនប្រជាពលរដ្ឋ។ បច្ចុប្បន្ននេះប្លង់ស្ពានអាកាសថ្មើរជើងនេះ បានចេញជារូបរាង 3Dហើយ នឹងបង្ហាញខ្លួនជាផ្លូវការនៅខាងជើងពហុកីឡដ្ឋានជាតិអូឡាំពិក ឆាប់ៗខាងមុខនេះ។

សូមជម្រាបជូនថា ក្រុមហ៊ុន Oversea Cambodia Investment Corperation ( OCIC) គឺជាម្ចាស់វិនិយោគទីក្រុងអូឡាំព្យា ដែលសាងសង់នៅព័ទ្ធជុំវិញពហុកីឡដ្ឋានជាតិអូឡាំពិក លើផ្ទៃដីសរុប ១០ហិកតា។ ទីក្រុងថ្មីនេះជាបណ្ដុំអគារពាណិជ្ជកម្មមានកម្ពស់២០ជាន់រួមមាន ការិយាល័យ អគារស្នាក់នៅ ផ្សារទំនើប ក្លឹបហាត់ប្រាណ អាងហែលទឹក និងកន្លែងកម្សាន្តជាច្រើនទៀត៕

អត្ថបទ៖ វឌ្ឍនៈ