ប្រដាល់ប្រែក្លាយ គុជសារ ចាន់រាជ ជាមនុស្សរឹងមាំម្នាក់ក្នុងសង្គម
- 2017-10-06 03:08:04
- ចំនួនមតិ 0 | ចំនួនចែករំលែក 0
ប្រដាល់ប្រែក្លាយ គុជសារ ចាន់រាជ ជាមនុស្សរឹងមាំម្នាក់ក្នុងសង្គម
ចន្លោះមិនឃើញ
កីឡាករវ័យក្មេងដែលប្រាថ្នាសាងកេរ្តិ៍ឈ្មោះក្នុងអាជីពឈឺខ្លួន គុជសារ ចាន់រាជ ថា ប្រដាល់គុនខ្មែរធ្វើឲ្យរូបគេកែប្រែខ្លួន ពីមនុស្សដែលទន់ជ្រាយនិងខ្លាចគេម្នាក់ទៅជាមនុស្សថ្មីមួយទៀត។
កីឡាករ គុជសារ ចាន់រាជ បានឲ្យដឹងថា មុនដំបូងឡើយរូបគេមិននឹកស្មានថាបានក្លាយជាកីឡាករប្រដាល់ដូចនេះនោះទេ ព្រោះពីមុនមកខ្លួនជាមនុស្សដែលទន់ជ្រាយ ហើយឆាប់ស្លតនិងខ្លាចគេ។ តែអ្វីៗទាំងអស់បានកែប្រែនៅពេលដែលខ្លួនក្លាយជាកីឡាករប្រដាល់ ដែលត្រូវប្រើកណ្ដាប់ដៃ ឬស្នៀតគ្រោះថ្នាក់នានាដើម្បីផ្ដួលដៃគូយកជ័យជម្នះ។
ជើងខ្លាំងវ័យ១៨ឆ្នាំរូបនេះបន្តថា ដោយមានចិត្តស្រឡាញ់ និងឃើញរៀមច្បងមួយចំនួនឡើងប្រកួតមានកេរ្តិ៍ឈ្មោះល្បី បានចេញទៅប្រកួតនៅក្រៅប្រទេស និងរកប្រាក់ចំណូលបានច្រើនគួរសមផង ទើបជំរុញឲ្យខ្លួនចាប់អាជីពនេះតែម្ដង ហើយកីឡាប្រទេសនេះក៏ធ្វើឲ្យខ្លួនក្លាយជាមនុស្សរឹងមាំមានសុខភាពល្អថែមទៀត។
គុជសារ ចាន់រាជ កីឡាករមកពីក្លឹបប្រដាល់ Cambodian Top Team អ្នកប្រដាល់រូបនេះឡើងសង្វៀនទាំងក្បាច់គុនខ្មែរនិងគុនចម្រុះ ហើយថ្មីៗនេះគេត្រូវទៅប្រកួតក្នុងទ្រុងនៅឯប្រទេសថៃតែដោយសារប្រទេសគេជាប់កាន់ទុក្ខស្ដេចដូច្នេះក៏លុបកម្មវិធីចោលវិញទៅ៕