មានម្ដង Lacazette ប៊ិះធ្វើជាអ្នកចាំទីតែត្រូវម្ដាយហាមព្រោះខ្លាចបាល់ត្រូវមុខ
- 2017-10-06 03:19:58
- ចំនួនមតិ 0 | ចំនួនចែករំលែក 0
មានម្ដង Lacazette ប៊ិះធ្វើជាអ្នកចាំទីតែត្រូវម្ដាយហាមព្រោះខ្លាចបាល់ត្រូវមុខ
ចន្លោះមិនឃើញ
Alexandre Lacazette គឺជាកម្លាំងសំខាន់នៅតំបន់ប្រយុទ្ធទាំងនៅ Arsenal និងក្រុមជម្រើសជាតិបារាំង ប៉ុន្តែតំណែងលេងនេះមិនមែនជាអ្វីដែលគេចាប់ផ្ដើមតាំងពីតូចនោះទេ។
តារាស្បែកខ្មៅវ័យ២៦ឆ្នាំលេងបាល់ដំបូងបំផុតគីធ្វើជាអ្នកចាំទីព្រោះវាជាអ្វីដែលគេប្រាថ្នា ប៉ុន្តែគ្រប់យ៉ាងបានផ្លាស់ប្ដូរនៅពេលម្ដាយហាមឃាត់មិនឲ្យលេងតួនាទីនោះតទៅទៀត។ Lacazette បានរំលឹកអនុស្សាវរីយ៍ពីកុមារថា ម្ដាយខ្លួនបានឲ្យជ្រើសរើសរវាងតួនាទីជាខ្សែប្រយុទ្ធ ឬក៏ឈប់លេងបាល់តែម្ដងដូច្នេះចង់មិនចង់រូបគេត្រូវតែលេងប្រយុទ្ធ។
អតីតកីឡាករ Lyon បង្ហើបបន្ថែមថាមូលហេតុដែលម្ដាយមិនឲ្យចាំទីព្រោះគាត់គិតថាតំណែងចាំទីគឺវាគ្រោះថ្នាក់ខ្លាំងនៅពេលដែលយកខ្លួនឬ ដៃ និងមុខទៅរារាំងការស៊ុតម្ដងៗ។ ឆ្លើយតបនឹងការបារម្ភរបស់អ្នកមានគុណ Lacazette បានវិវត្តន៍ខ្លួនយ៉ាងរហ័សពីការចាំទី ទៅជាខ្សែប្រយុទ្ធវិញចាប់តាំងពីពេលនោះមក៕