សន្តិសុខចិត្តខ្មៅ ចាក់សាំងដុតកូនសិស្សទាំងរស់ ស្លាប់៦ និងរបួសជាង ៥០នាក់ នៅប្រេស៊ីល
- 2017-10-06 10:24:12
- ចំនួនមតិ 0 | ចំនួនចែករំលែក 0
សន្តិសុខចិត្តខ្មៅ ចាក់សាំងដុតកូនសិស្សទាំងរស់ ស្លាប់៦ និងរបួសជាង ៥០នាក់ នៅប្រេស៊ីល
ចន្លោះមិនឃើញ
សោកនាដកម្មគួរឲ្យរន្ធត់មួយបានកើតឡើងនៅប្រទេសប្រេស៊ីល ដោយបុរសចំណាស់ម្នាក់ បានយកសាំងស្រោចលើកុមារសិស្សសាលា រួចដុតទាំងរស់ បណ្ដាលឲ្យស្លាប់ ៦នាក់ និងជាង ៥០នាក់ត្រូវបញ្ជូនទៅមន្ទីរពេទ្យ។
ហេតុការណ៍គួរឲ្យរន្ធត់នេះបានកើតឡើងនៅថ្ងៃទី ៦តុលា នៅសាលាមត្តេយ្យ Innocent People ក្នុងទីក្រុង Janauba ប្រទេសប្រេស៊ីល ដោយកុមារ ៤នាក់ស្លាប់នៅកន្លែង និង ២នាក់ស្លាប់ពេលបញ្ជូនទៅមន្ទីរពេទ្យ។ ចំណែក ៥០នាក់រងរបួស ក្នុងនោះមាន ១០នាក់ របួសធ្ងន់ធ្ងរ ធ្វើឲ្យអភិបាលក្រុងប្រកាសកាន់ទុក្ខចំនួន ៧ថ្ងៃ។
ជនសង្ស័យមានឈ្មោះ Damiao Soares អាយុ ៥០ឆ្នាំ ជាសន្តិសុខយាមសាលារយៈពេលជាង ៨ឆ្នាំ បានស្លាប់នៅមន្ទីរពេទ្យ បន្ទាប់ពីរបួសរលាកពេញខ្លួនជាច្រើនម៉ោងដោយសារដុតសម្លាប់ខ្លួន។ នៅក្នុងសាលាមត្តេយ្យនេះ មានសិស្សសាលាប្រមាណ ៨០នាក់ ពេលសោកនាដកម្មកើតឡើង។
ក្រោយកើតហេតុ ប៉ូលិសបានចុះទៅដល់ផ្ទះជនសង្ស័យ និងសាកសួរសមាជិកគ្រួសារគាត់ ដើម្បីរកមើលមូលហេតុនាំឲ្យកើតរឿងបែបនេះ៕