ក្តៅៗ! Iniesta ចុះកុងត្រាមួយជីវិតជាមួយក្លឹប Barca
- 2017-10-06 12:51:38
- ចំនួនមតិ 0 | ចំនួនចែករំលែក 0
ក្តៅៗ! Iniesta ចុះកុងត្រាមួយជីវិតជាមួយក្លឹប Barca
ចន្លោះមិនឃើញ
ខ្សែបម្រើចាស់វស្សាតែឆ្នើម Andres Iniesta ក្នុងថ្ងៃនេះ បានចុះកុងត្រាមួយជីវិត ជាមួយក្លឹបអ្នកមានបុណ្យ Barcelona មានន័យថា Iniesta នឹងបន្តលេងឲ្យក្លឹបយក្សអេស្ប៉ាញមួយនេះរហូតដល់ខ្លួនចូលនិវត្តន៍។
ក្នុងសារផ្លូវការរបស់ក្លឹប Barca ទើបចេញផ្សាយក្នុងថ្ងៃនេះ បានបញ្ជាក់ឲ្យដឹងថា៖ “Andreas Iniesta បានចុះកុងត្រាមួយជីវិត ជាមួយក្លឹប Barcelona នៅក្នុងថ្ងៃសុក្រនេះ ដែលកុងត្រានេះមានន័យថា Iniesta នឹងបន្តលេងឲ្យក្លឹប រហូតដល់ពេលបញ្ចប់អាជីពរបស់ខ្លួន"។
គួររំលឹកវិញផងដែរថា ខ្សែបម្រើវ័យ ៣៣ឆ្នាំ Iniesta ជាកីឡាករចេញពីថ្នាលយុវជនរបស់ក្លឹបអ្នកមានបុណ្យ ហើយបានលេងឲ្យក្លឹបមួយនេះ បានចំនួន ៦៣៩ លើក និងស៊ុតចូលបាន ៥៥គ្រាប់ហើយគិតមកដល់ពេលនេះ។ តាំងពីបង្ហាញខ្លួនលើកដំបូងក្នុងការប្រកួតផ្លូវការឲ្យក្លឹប Barcelona ក្នុងខែតុលាឆ្នាំ ២០០២ មក កីឡាករសញ្ជាតិអេស្ប៉ាញរូបនេះ បានឈ្នះពានលីគកំពូលអេស្ប៉ាញចំនួន ៨លើក និងពាន Champions League ចំនួន ៤លើក៕