មិនស្មានថា កូនរបស់តួស្រី អ៊ូ ម៉ីនាង ពូកែសម្ដែងដល់ថ្នាក់ហ្នឹង!
- 2017-10-07 03:14:42
- ចំនួនមតិ 0 | ចំនួនចែករំលែក 0
មិនស្មានថា កូនរបស់តួស្រី អ៊ូ ម៉ីនាង ពូកែសម្ដែងដល់ថ្នាក់ហ្នឹង!
ចន្លោះមិនឃើញ
ស្មានមិនដល់កូនតូចរបស់តារាសម្ដែងតៃវ៉ាន់ Alyssa Chia (ភាគច្រើនស្គាល់ថាជា តួស្រី អ៊ូម៉ីនាង) និងស្វាមី Xiu Jie Kai បានធ្វើឲ្យមហាជនមួយចំនួន ក្រោយឃើញវីដេអូរបស់នាងប្ដូរអារម្មណ៍ភ្លាមៗ ប្រៀបដូចការសម្ដែង។
ក្នុងវីដេអូនោះ Bubu កូនស្រីអាយុ ២ឆ្នាំ របស់ប្ដីប្រពន្ធតារាប្រុសស្រីមួយគូនេះ ស្រែកយំខ្លាំង នៅលើសាឡុង និងនិយាយរអ៊ូស្ដាប់មិនចង់ឮ។ ពេលនោះ Jie Kai ដែលជាឪពុក បានព្យាយាមលួងកូន គ្រប់វិធី ប៉ុន្តែនាងនៅតែមិនបាត់យំ។
ប៉ុន្តែ ដោយសារឃើញឪពុកហាក់ដូចជាខឹង Bubu ស្រាប់តែឈប់យំមួយរំពេច ហើយចាប់ផ្ដើមធ្វើទឹកមុខគួរឲ្យស្រឡាញ់វិញ។ ភ្លាមៗនោះ នាងបាននិយាយច្បាស់ៗទៅកាន់ឪពុក ថាចង់មើលរូប។ ក្រោយឃើញកូនចេញចរិតគួរឲ្យស្រឡាញ់បែបនេះ Jie Kai ក៏ប្រែជាធម្មតា និងឈប់ខឹងតទៀត។
តារាប្រុសរូបនេះបានបង្ហើបថា កូនស្រីរបស់លោកចូលចិត្តការសម្ដែងណាស់ ហើយគ្មានការខ្មាសអៀនទាល់តែសោះ សូម្បីនៅចំពោះមុខឪពុកម្ដាយក៏ដោយ។
យ៉ាងណាមិញ គូស្នេហ៍តារាតៃវ៉ាន់នេះមានបុត្រ ៣នាក់ហើយ (ក្នុងនោះកូនទី ១ជាកូនរបស់ Alyssa ជាមួយប្ដីមុន) ដូចនេះគ្រួសារមួយនេះ មានសមាជិកទាំងអស់ ៥នាក់ហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
