ទិដ្ឋភាពព្រះចៅស៊ូតង់ប្រ៊ុយណេ ប្រារព្ធខួបឡើងគ្រងរាជ្យ ៥០ឆ្នាំ ដង្ហែតាមរទេះមាស
- 2017-10-08 02:18:46
- ចំនួនមតិ 0 | ចំនួនចែករំលែក 0
ទិដ្ឋភាពព្រះចៅស៊ូតង់ប្រ៊ុយណេ ប្រារព្ធខួបឡើងគ្រងរាជ្យ ៥០ឆ្នាំ ដង្ហែតាមរទេះមាស
ចន្លោះមិនឃើញ
ព្រះចៅស៊ូតង់ប្រ៊ុយណេ បានប្រារព្ធខួបឡើងគ្រងរាជ្យសម្បត្តិរយៈពេល ៥០ឆ្នាំ កាលពីថ្ងៃព្រហស្បតិ៍កន្លងទៅ បានយាងលើគ្រែស្នែងមាសដ៏អស្ចារ្យដង្ហែកាត់ទីក្រុង។
ប្រជារាស្ត្ររាប់ពាន់នាក់បានចូលរួមអបអរស្វាគមន៍តាមដងផ្លូវស្រែកហៅឈ្មោះព្រះចៅ Sultan Hassanal Bolkiah។ ព្រះអង្គ ត្រូវបានគេចាត់ជាស្ដេចសោយរាជ្យយូរជាងគេបំផុតលំដាប់ទីពីរលើលោក បន្ទាប់ពីស្ដេចថៃ។
ព្រះចៅអមជាមួយមហេសី បានជិះលើគ្រែស្នែងដ៏ឥតខ្ចោះមួយគ្រឿង ហើយសមាជិករាជវង្សផ្សេងទៀត បានធ្វើដំណើរតាមរថយន្ត Rolls-Royces។ បើយោងទៅតាមអ្នករៀបចំ ក៏មានភ្ញៀវសំខាន់ៗមកពីប្រទេសដទៃដែរដូចជា ប្រធានាធិបតីឥណ្ឌូនេស៊ី លោក ចូកូ វីដូដូ, នាយករដ្ឋមន្ត្រីម៉ាឡេស៊ី លោកណាជីប រ៉ាហ្សាក់, មន្ត្រីជាន់ខ្ពស់មីយ៉ាន់ម៉ា លោកស្រីអ៊ុង សានស៊ូជី និងប្រធានាធិបតីហ្វីលីពីន ឌូតឺតេជាដើម។
ព្រះចៅស៊ូតង់ អង្គនេះបានគ្រប់គ្រងប្រទេសដោយប្រើកណ្ដាប់ដៃដែក រាជានិយមផ្ដាច់ការដោយមិនមានការបោះឆ្នោត និងសន្និសីទកាសែតដោយសេរី ហើយអ្នកស្រលាញ់ភេទដូចគ្នានឹងត្រូវដាក់ទណ្ឌកម្មដោយគប់ដុំថ្មឲ្យស្លាប់។ ខណៈពេលប្រជារាស្ត្រចេញមកស្វាគមន៍ តែព្រះចៅតែងតែត្រូវក្រុមស្រលាញ់សិទ្ធិមនុស្សរិះគន់ដែរចំពោះច្បាប់ឥស្លាមដ៏តឹងរ៉ឹង និងខ្វះប្រជាធិបតេយ្យ។
ប្រ៊ុយណេ ជាប្រទេសតូចមួយមានប្រជាជនសរុបតែជាង ៤០ម៉ឺននាក់ប៉ុណ្ណោះ ប៉ុន្តែជាប្រទេសស្ថិតក្នុងចំណោមប្រទេសមានជាងគេបំផុតមួយក្នុងលោកដោយសារសំបូរប្រេង និងឧស្ម័ន៕