សម័យបច្ចេកវិទ្យាមែន តែក្មេងៗនៅអង្គការនេះ កម្របានប៉ះណាស់
- 2017-10-08 13:28:15
- ចំនួនមតិ 0 | ចំនួនចែករំលែក 0
សម័យបច្ចេកវិទ្យាមែន តែក្មេងៗនៅអង្គការនេះ កម្របានប៉ះណាស់
ចន្លោះមិនឃើញ
កាលពីថ្ងៃទី៦ អ្នកស្ម័គ្រចិត្តជាច្រើននាក់មកពីក្រុមហ៊ុន សាមសុងអេឡិចត្រូនិចប្រចាំប្រទេសកម្ពុជា បាននាំគ្នាចូលរួមក្នុងកម្មវិធី “Samsung Love & Care” ជាមួយកុមារជាង១០០នាក់នៅអង្គការ "មណ្ឌលពន្លឺអនាគតកុមារ"។ កម្មវិធីនេះបានភ្ជាប់ជាមួយវិស័យបច្ចេកវិទ្យា និងវិស័យផ្សេងៗទៀត ដើម្បីដោះស្រាយគម្លាតនៃការការអប់រំ និងបញ្ហាសង្គមនៅក្នុងទីក្រុងភ្នំពេញនៃប្រទេសម្ពុជា។
លោក Seungho Choi អគ្គនាយកក្រុមហ៊ុនថៃសាមសុងអេឡិចត្រូនិចសាខាកម្ពុជាបានមាន ប្រសាសន៍នៅក្នុងកម្មវិធី Samsung Love and Care នេះថា៖ «បន្ទាប់ពីទទួលបានភាពជោគជ័យ និងការឆ្លើយតប វិជ្ជមានពីបុគ្គលិកស្ម័គ្រចិត្តកាលពីឆ្នាំមុន យើងពិតជារំភើបដែលបានបង្ហាញខ្លួនក្នុងប្រទេសកម្ពុជា ជាមួយនឹងការផ្តួចផ្តើមដ៏មានន័យខ្លឹមសារនេះ ខ្ញុំមានក្តីរំភើប ដែលបានសហការ ជាមួយមណ្ឌលពន្លឺអនាគតកុមារ ក្នុងឆ្នាំនេះ"។
ដោយមានការសហការជាជាមួយអង្គការក្រៅរដ្ឋាភិបាលដែលដែលមានឈ្មោះថា មណ្ឌលពន្លឺអនាគតកុមារ បុគ្គលិកស្ម័គ្រចិត្តសាមសុងកម្ពុជាបានរៀបចំសកម្មភាពអប់រំ និងកម្សាន្តផ្សេងៗសម្រាប់កុមារ ក្នុងការកសាង ទំនាក់ទំនង និងនាំមកនូវភាពសប្បាយរីករាយដល់ពួកគេ។
លោក គង់ រតនៈ នាយកប្រតិបត្តិមណ្ឌលពន្លឺអនាគតកុមារ បានមានប្រសាសន៍ថា «វាពិតជាអស្ចារ្យ ណាស់ ដែលបានឃើញកូនៗរបស់ពួកយើងចាប់អារម្មណ៍នឹងសកម្មភាពដែលក្រុមហ៊ុនសាមសុង បាននាំធ្វើទ្បើងក្នុងថ្ងៃនេះ។ ជាធម្មតាកូនៗរបស់យើងកម្រមានឱកាសប៉ះឧបករណ៍អេទ្បិចត្រូនិក ដូចជា ថេបប្លេតនេះណាស់។
ជាមួយនឹងការប្រើប្រាស់កម្មវិធីសិក្សា ក្នុងសាមសុងថេបប្លេត អ្នកស្ម័គ្រចិត្តបានបង្កើនភាពស្និទ្វិស្នាលជាមួយកុមារ តាមរយៈការលេងល្បែងអប់រំ បង្កើនចំណេះដឹង ដែលអាចជួយបង្រៀនពួកគេនូវជំនាញគិតលេខ និងអក្ខរកម្ម។ បុគ្គលិក ដែលជាអ្នក ស្ម័គ្រចិត្តក៏បានបម្រើអាហារថ្ងៃត្រង់ និងចែករំលែកអាហារជាមួយកុមារ ព្រមទាំងជជែកអំពី អ្វីដែលបានកើតទ្បើងថ្ងៃនេះ ថ្ងៃស្អែក និងថ្ងៃអនាគត។
ថ្ងៃដែលពោរពេញទៅដោយការប្រាស្រ័យទាក់ទងគ្នាយ៉ាងជិតស្និទ្ធត្រូវបានបញ្ចប់ ហើយកុមារនិង បុគ្គលិកស្ម័គ្រចិត្តរបស់សាមសុងបានលាគ្នា ជាមួយស្នាមញញឹមដ៏រីករាយដោយបាននិយាយពាក្យថា «ជួបគ្នាម្តងទៀត!»៕