Neymar ប្រាប់ PSG ឲ្យប្រជែង Barca យក Coutinho
- 2017-10-09 03:15:03
- ចំនួនមតិ 0 | ចំនួនចែករំលែក 0
Neymar ប្រាប់ PSG ឲ្យប្រជែង Barca យក Coutinho
ចន្លោះមិនឃើញ
Paris Saint-Germain បានចេញមុខជាចំហក្នុងការត្រៀមខ្លួនប្រជែងយក Coutinho ពី Liverpool ក្នុងតម្លៃ១២៥លានអឺរ៉ូ។
តម្លៃខាងលើគឺស្មើគ្នានឹងសំណើដែល FC Barcelona ដាក់ទៅក្លឹបមានមូលដ្ឋាននៅ Anfield ក្នុងថ្ងៃចុងក្រោយនៃទីផ្សារដោះដូរកីឡាករ។ ប្រភពពីអេស្ប៉ាញឲ្យដឹងថាមូលហេតុដែល PSG ចង់បាន Coutinho គឺធ្វើទៅតាមសំណើរបស់ Neymar ដែលអ្នកទាំងពីរជាមិត្តជិតស្និទ្ធនឹងគ្នា។
មហាសេដ្ឋីជនជាតិកាតារ Nasser Al-Khelaïfi បានឲ្យក្លឹបទាក់ទងទៅភ្នាក់ងារផ្ទាល់របស់កីឡាកររួចហើយ។ យ៉ាងណាក៏ដោយ PSG ក៏ត្រូវប្រុងប្រយ័ត្នផងដែរលើខ្ទង់ចំណាយទិញរបស់ខ្លួនដើម្បីចៀសវាងការពិន័យមិនឲ្យទិញកីឡាករពីសំណាក់ UEFA ដោយសារក្លឹបនេះត្រូវចំណាយខ្ទង់រយលានដូចគ្នាទៅលើ Kylian Mbappe។
មានការព្យាករណ៍ថាដើម្បីអាចទិញ Coutinho មកបានដោយមិនរងការពិន័យក្លឹបអ្នកមានបារាំងអាចលក់កីឡាករពីររូបទៅវិញមានដូចជា Ángel Di Maria និង Lucas Moura៕