ទី ពន្លែត និងង៉ែត្រ រដ្ឋា ដឹកដៃគ្នាឡើងវគ្គ១៦នាក់ចុងក្រោយ

2017-10-09 03:32:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ ទី ពន្លែត និងង៉ែត្រ រដ្ឋា បានដឹកដៃគ្នាឡើងវគ្គ១៦នាក់ចុងក្រោយហើយបន្ទាប់ពីបានយកឈ្នះលើដៃគូរៀងខ្លួនកាលពីចុងសប្ដាហ៍កន្លងទៅនេះ ក្នុងការប្រកួតពានរង្វាន់ TV5 Knock Out Series។

ទី ពន្លែត តតាំងជាមួយ ភួង ណាំហុង ស្វិតស្វាញមែនទែនគូនេះ ដោយមានទៅមានមក ប៉ុន្តែ ពន្លែត ហាក់ធ្វើបានល្អជាង ដោយវាយចូលបានច្រើន ហើយចប់ការប្រកួតរូបគេបានយកឈ្នះដោយពិន្ទុ បានឡើងទៅវគ្គបន្ដ។ ដោយឡែកសម្រាប់១គូទៀតដែរ ង៉ែត្រ រដ្ឋា ក៏ធ្វើបានល្អដូចគ្នា ពោលគឺបានយកឈ្នះពិន្ទុកីឡាករ ជា សំណាង បានឡើងវគ្គ១៦នាក់ដែរ។

ការប្រកួត TV5 Boxing Knock Out Series នៅសង្វៀនប្រដាល់ប៉ុស្តិ៍លេខ៥ មានកីឡាករចូលរួមចំនួន៣២នាក់ រូវប្រកួតជម្រុះរហូតដល់រកឃើញម្ចាស់ពានរង្វាន់តែម្ដង ហើយការប្រកួតនេះកីឡាកររូបណាចាញ់ត្រូវធ្លាក់តែម្ដង ដោយមិនមានប្រកួតសន្សំពិន្ទុនោះទេ។ ដោយការប្រកួតទៀតសោតធ្វើឡើងត្រឹម៣ទឹកទេ។

ចំពោះតម្លៃខ្លួនវិញ នៅត្រឹមវគ្គជម្រុះតំណាក់កាលទី១នេះដែរ អ្នកឈ្នះនឹងទទួលបាន១៥០ដុល្លារនិងចាញ់ទទួលបាន១០០ដុល្លារ ហើយដំណាក់កាលបន្ដទៀត ឬវគ្គ១៦នាក់ អ្នកឈ្នះនឹងទទួលបាន២០០ដុល្លារ អ្នកចាញ់ទទួលបាន១៥០ដុល្លារ។ ឈានដល់វគ្គ៨នាក់ អ្នកឈ្នះទទួលបាន២៥០ដុល្លារ និងអ្នកចាញ់ទទួលបាន២០០ដុល្លារ។ នៅវគ្គពាក់កណ្ដាលផ្ដាច់ព្រ័ត្រ អ្នកឈ្នះទទួលបាន៣០០ដុល្លារ និងអ្នកចាញ់ទទួលបាន២៥០ដុល្លារ។

សម្រាប់អ្នកទទួលបានលេខ១វិញ នឹងទទួលបានប្រាក់៤ពាន់ដុល្លារ អមជាមួយពាន១ លេខ២ទទួលបាន២ពាន់ដុល្លារ លេខ៣ទទួលបាន៧៣០ដុល្លារ និងលេខ៤ទទួលបាន៥០០ដុល្លារ៕

អត្ថបទ៖ មុន្នីរម្យ