Mbappe ថា Neymar ពូកែរឿងមួយ តែស្ទើររឿងមួយទៀតជាង Griezmann

2017-10-09 13:38:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធឆ្នើមវ័យក្មេង Kylian Mbappe កាលពីពេលថ្មីៗនេះ បាននិយាយសរសើរមិត្តរួមក្លឹបរបស់ខ្លួន Neymar និងមិត្តរួមក្រុមជម្រើសជាតិបារាំង Antoine Griezmann តែបានបញ្ជាក់ថា Neymar ប្រើបច្ចេកទេសល្អជាង Griezmann ប៉ុន្តែបើនិយាយរឿងមុខសំណាញ់ទី Griezmann ស៊ុតច្បាស់ជាង Neymar។

នៅពេលអ្នកសារព័ត៌មានសួរថា ក្នុងចំណោម Neymar និង Griezmann មួយណាដែល Mbappeចង់លេងជាមួយជាង ខ្សែប្រយុទ្ធបារាំងរូបនេះបានឆ្លើយថា៖ "ខ្ញុំចង់លេងជាមួយគេទាំងពីរនាក់ ព្រោះពួកគេជាកីឡាករប្រភេទផ្សេងគ្នា"។ កីឡាករវ័យ ១៨ឆ្នាំរូបនេះ បានបន្តទៀតថា៖ "បើនិយាយរឿងបច្ចេកទេសNeymar ល្អជាង Griezmann តែបើនិយាយរឿងមុខសំណាញ់ទីវិញ Griezmann ស៊ុតច្បាស់ជាង Neymar។ ដូច្នេះពួកគេជាប្រភេទកីឡាករផ្សេងគ្នា ហើយខ្ញុំអាចរៀនសូត្រពីពួកគេទាំងពីរនាក់"។

គួរបញ្ជាក់ផងដែរថា តាំងពីផ្ទេរទៅក្លឹប PSG ក្នុងតម្លៃខ្លួនបំផុតមក Neymar បានស៊ុតចូល ៨គ្រាប់ និងបញ្ជូលបាល់ឲ្យមិត្តរួមក្រុមបានចំនួន ៧គ្រាប់ឲ្យក្លឹបមួយនេះ ខណៈ Griezmann បំប៉ោងសំណាញ់ទីឲ្យ Atletico Madrid បាន៣គ្រាប់ និងបញ្ជូលឲ្យមិត្តរួមក្រុមបាន១ គ្រាប់៕

ប្រភព៖ Goal ប្រែសម្រួល៖ ហ៊ីម រស្មី