គ្រូវៀតណាម៖ យើងត្រូវគោរពដល់ ចាន់ វឌ្ឍនាកា
- 2017-10-10 02:02:51
- ចំនួនមតិ 0 | ចំនួនចែករំលែក 0
គ្រូវៀតណាម៖ យើងត្រូវគោរពដល់ ចាន់ វឌ្ឍនាកា
ចន្លោះមិនឃើញ
លោក Mai Duc Chung គ្រូបង្វឹកបណ្ដោះអាសន្នរបស់វៀតណាម ត្រូវការជ័យជម្នះលើកម្ពុជាដាច់ខាត ដើម្បីបានឱកាសឡើងវគ្គបន្ដ តែទោះជាយ៉ាងនេះលោកក៏ត្រូវគោរពដល់កីឡាករ ចាន់ វឌ្ឍនាកា ផងដែរ។
ក្រុមជម្រើសជាតិកម្ពុជា នឹងត្រូវប្រកួតជាមួយក្រុមខ្លាំងវៀតណាមថ្ងៃទី១០ ខែតុលា ឆ្នាំ២០១៧ នេះវេលាម៉ោង៧ល្ងាច ដែលជាជំនួបជើងទី២ ក្នុងពូល C ក្នុងព្រឹត្តិការណ៍ជម្រុះ 2019 AFC Asian Cup ។ មុនការប្រកួតនេះចាប់ផ្ដើម លោក Mai បាននិយាយដូច្នេះថា៖ “យើងត្រូវការ៣ពិន្ទុជាដាច់ខាត ក្រុមកម្ពុជាកំពុងតែពឹងលើកីឡាករ ចាន់ វឌ្ឍនាកា ព្រោះគាត់ជាកីឡាករល្អម្នាក់។ វាមិនមែនជារឿងធម្មតាទេ ព្រោះគាត់រកគ្រាប់បាល់បានច្រើន រាប់បញ្ចូលទាំងស៊ុតចូលយើងផងដែរ។ យើងត្រូវការមានការគោរពដល់គាត់”។
មួយវិញទៀត គ្រូបង្វឹកវ័យ៦៩ឆ្នាំខាងលើបន្ថែមថាក្រុមរបស់លោកនឹងលេងបានល្អ ដោយសារតែមានអ្នកគាំទ្រក្នុងដីខ្លួនឯង។ ជាពិសេសទៀតនោះ វៀតណាមត្រូវការឈ្នះនិងរកគ្រាប់បាល់ឱ្យបានច្រើន សម្រាប់ការប្រកួតដ៏សំខាន់មួយនេះ៕