តារាថៃ Pinky វេចបង្វេចចេញពីផ្ទះ អ្នកគាំទ្រគិតថាមានបញ្ហាមិនស្រួលជាមួយស្វាមី!

2017-10-11 02:31:40
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងទៅ ធ្លាប់មានបណ្ដាញផ្សព្វផ្សាយមួយចំនួន ចុះផ្សាយព័ត៌មានថា តារាសម្ដែងថៃ Pinky Savika និងស្វាមីរបស់នាង លោក Petch Ithi លែងលះគ្នា ប៉ុន្តែក្រោយមកនាងក៏បានអះអាងថា ខ្លួននិងស្វាមីគ្មានបញ្ហាអ្វីនឹងគ្នាទេ។

រូបថតមង្គលការ

ជាក់ស្ដែង ថ្មីៗនេះស្រាប់តែមានព័ត៌មានដដែលផ្ទុះឡើងម្ដងទៀត ហើយតាមប្រភពជាច្រើនបានលើកឡើងថា បញ្ហាកើតឡើងដោយសារតារាស្រី Pinky មិនពាក់ចិញ្ចៀនរៀបការ។ លើសពីនោះក៏មានសេចក្ដីបញ្ជាក់ទៀតថា នាងថែមទាំងរើចេញពីផ្ទះប្ដីទៀតផង។

ចំណែកស្វាមីរបស់នាងលោក Petch Ithi វិញបានបង្ហោះសារមួយលើ Instagram ថា៖ "ការអន់ចិត្តកើតឡើង នៅពេលអ្នកទុកចិត្តលើពាក្យសម្ដីរបស់គេពេក ច្រើនជាងដោយសកម្មភាព”។

ក្រៅពីពាក្យលេចឮត្រូវសុសសាយពាសពេញពិភពសិល្បៈ យ៉ាងណាក្ដីនេះ តែចំពោះសាមីខ្លួនទាំងសងខាង នៅមិនទាន់ចេញមុខអះអាងបញ្ជាក់ថា វាគឺជាការពិត ឫយ៉ាងណានោះទេ។

តារាថៃ Pinky បានរៀបការជាមួយបុរសអ្នកមានទ្រព្យម្នាក់ កាលពីខែកញ្ញា ឆ្នាំ ២០១៤។ ចាប់តាំងពីមានស្វាមី នាងកម្រចេញបង្ហាញវត្តមានក្នុងពិភពសិល្បៈណាស់ ដោយបានបំពេញតួនាទីជាស្ត្រីមេផ្ទះម្នាក់របស់ស្វាមី៕